ഓറഞ്ചിന്റെ ഈ ആരോ​ഗ്യ​ഗുണങ്ങൾ അറിയാതെ പോകരുത്

പോഷകസമൃദ്ധവും കലോറി കുറഞ്ഞതുമായ പഴമാണ് ഓറഞ്ച്. വിറ്റാമിൻ സി, ഫൈബർ, പൊട്ടാസ്യം എന്നിവയാൽ സമ്പുഷ്ടമായ ഓറഞ്ച് മൊത്തത്തിലുള്ള ആരോ​ഗ്യത്തിന് നല്ലതാണ്.

ഓറ‍ഞ്ചിലെ ഉയർന്ന വിറ്റാമിൻ സി അണുബാധകളെ ചെറുക്കുന്നതിനും രോഗപ്രതിരോധ സംവിധാനത്തെ മെച്ചപ്പെടുത്തുന്നതിനും സഹായിക്കും.

ചർമ്മത്തിൻ്റെ ആരോ​ഗ്യത്തിന് സഹായിക്കുന്നു. മുഖത്തെ ചുളിവുകൾ, കറുപ്പ് എന്നിവ അകറ്റാൻ ഓറഞ്ച് മികച്ചതാണ്.

പൊട്ടാസ്യം ആരോഗ്യകരമായ രക്തസമ്മർദ്ദം നിലനിർത്താൻ സഹായിക്കുന്നു. അതേസമയം ഫ്ലേവനോയ്ഡുകൾ പോലുള്ള ആന്റിഓക്‌സിഡന്റുകൾ കൊളസ്‌ട്രോൾ അളവ് നിയന്ത്രിക്കാൻ സഹായിക്കുന്നു.

ഭക്ഷണത്തിലെ നാരുകളുടെ അളവ് ദഹനത്തെ സഹായിക്കുകയും മലവിസർജ്ജനം നിയന്ത്രിക്കാൻ സഹായിക്കുകയും ചെയ്യുന്നു.

 ഓറഞ്ചിലെ സിട്രേറ്റ് വൃക്കയിലെ കല്ലുകൾ ഉണ്ടാകാനുള്ള സാധ്യത കുറയ്ക്കാൻ സഹായിക്കും.

നാരുകൾ കൂടുതലും കലോറി കുറവും ആയതിനാൽ അവ വയറു നിറഞ്ഞതായി തോന്നിപ്പിക്കുകയും ഭാരം നിയന്ത്രിക്കാൻ സഹായിക്കുകയും ചെയ്യുന്നു.