ചർമ്മത്തിന്‍റെ ആരോഗ്യം; വേണ്ട പോഷകങ്ങൾ

ചർമ്മത്തെ ആരോഗ്യത്തോടെ നിലനിർത്താൻ വേണ്ട പോഷകങ്ങൾ എന്തൊക്കെയാണെന്ന് നോക്കാം.

വിറ്റാമിൻ എ കൊളാജൻ ഉൽപാദനം കൂട്ടാന്‍ സഹായിക്കുന്നു. ഇത് ദൃഢവും യുവത്വമുള്ളതുമായ ചർമ്മം നൽകുന്നു. 

 കൊളാജൻ ഉൽപാദനം കൂട്ടാന്‍ വിറ്റാമിൻ സി സഹായിക്കും. കൊളാജൻ ചർമ്മത്തിന്റെ ഇലാസ്തികത, ജലാംശം, എന്നിവ സംരക്ഷിക്കാനും നേർത്ത വരകളും ചുളിവുകളും കുറയ്ക്കാനും സഹായിക്കുന്നു.

വിറ്റാമിൻ ഡിയും ചർമ്മത്തിന്റെ ആരോഗ്യത്തിന് അവിഭാജ്യമാണ്. പുതിയ കോശങ്ങളുടെ വളർച്ചയ്ക്ക് ഇവ സഹായിക്കും. അതിനാല്‍ വിറ്റാമിന്‍ ഡി അടങ്ങിയ ഭക്ഷണങ്ങളും ഡയറ്റില്‍ ഉള്‍പ്പെടുത്തുക.

വിറ്റാമിൻ ഇ ഒരു ശക്തമായ ആന്റിഓക്‌സിഡന്റാണ്. ഇത് ചർമ്മത്തിലെ യുവി കേടുപാടുകൾ കുറയ്ക്കുന്നതിന് ഫലപ്രദമാണ്. 

ഒമേഗ 3 ഫാറ്റി ആസിഡ് അടങ്ങിയ ഭക്ഷണങ്ങളും കഴിക്കുന്നത് ചര്‍മ്മത്തിന്‍റെ ആരോഗ്യത്തിന് നല്ലതാണ്.

യുവത്വമുള്ള ചര്‍മ്മത്തിനായി പ്രോട്ടീന്‍ അടങ്ങിയ ഭക്ഷണങ്ങളും ഡയറ്റില്‍ ഉള്‍പ്പെടുത്തുക.

ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.