ദഹനാരോഗ്യം

പോഷകസമ്പന്നവും ലളിതവുമായ ഭക്ഷണങ്ങൾ കഴിക്കുന്നത് വഴി മഴക്കാലത്ത് ദഹനാരോഗ്യം സംരക്ഷിക്കാൻ സാധിക്കും.

തൈരിൽ അടങ്ങിയിരിക്കുന്ന പ്രോബയോട്ടിക്സ് ദഹനവ്യവസ്ഥയിലെ നല്ല ബാക്ടീരിയകളെ നിലനിർത്താൻ സഹായിക്കുന്നു.

എളുപ്പത്തിൽ ദഹിക്കുന്ന പഴവർഗ്ഗമാണ് നേന്ത്രപ്പഴം. ഇതിന്റെ പ്രീബയോട്ടിക് ഫൈബറും പെക്റ്റിനും വയറ്റിലെ നല്ല ബാക്ടീരിയകളെ പരിപോഷിപ്പിക്കാനും ദഹനം സുഗമമാക്കാനും സഹായിക്കുന്നു.

പരമ്പരാഗതമായി ദഹനപ്രശ്നങ്ങൾക്കും നെഞ്ചെരിച്ചിൽ, ഗ്യാസ്, ഛർദ്ദിൽ എന്നിവയ്ക്കും ആശ്വാസമായി ഇഞ്ചി ഉപയോഗിക്കാറുണ്ട്. ഇത് ദഹനപ്രശ്നങ്ങൾ അകറ്റാൻ സഹായിക്കും.

ചെറുപയർ കഴിക്കുന്നത് കാർബോഹൈഡ്രേറ്റ്, പ്രോട്ടീൻ, ഫൈബർ എന്നിവ നൽകുന്നതോടൊപ്പം ദഹനവ്യവസ്ഥയ്ക്ക് അധിക ഭാരം നൽകാതെ സംരക്ഷിക്കുന്നു.

പച്ചക്കറികൾ പച്ചയായി കഴിക്കുന്നതിനേക്കാൾ വേവിച്ച് കഴിക്കുന്നത് മഴക്കാലത്ത് ബാക്ടീരിയൽ അണുബാധ തടയാനും എളുപ്പത്തിൽ ദഹിക്കാനും സഹായിക്കുന്നു. 

ശരിയായി പുളിപ്പിച്ച മാവ് കൊണ്ട് ഉണ്ടാക്കുന്ന ഇഡ്ഡലി, ദോശ തുടങ്ങിയ ഭക്ഷണങ്ങൾ എളുപ്പത്തിൽ ദഹിക്കുന്നവയാണ്. എണ്ണയിൽ വറുത്ത പലഹാരങ്ങളേക്കാൾ ആവിയിൽ വേവിച്ച ഭക്ഷണങ്ങളാണ് നല്ലത്.

സൂക്ഷ്മമായ ശുചിത്വം പാലിക്കുക, തിളപ്പിച്ചാറിയ വെള്ളം മാത്രം കുടിക്കുക, ചൂടുള്ള പുതിയ ഭക്ഷണം കഴിക്കുക എന്നിവയാണ് മഴക്കാലത്ത് ദഹനാരോഗ്യം സംരക്ഷിക്കാനുള്ള ഏറ്റവും പ്രധാന വഴികൾ.