ഡയറ്റില്‍ ബീറ്റ്റൂട്ട് ലൈം ജ്യൂസ്‌ ഉള്‍പ്പെടുത്തൂ; അറിയാം ഗുണങ്ങള്‍

ബീറ്റ്റൂട്ട് ലൈം ജ്യൂസ് കുടിക്കുന്നത് കൊണ്ടുള്ള ഗുണങ്ങള്‍ നോക്കാം.
 

അയേണിന്‍റെ മികച്ച സ്രോതസ്സാണ് ബീറ്റ്റൂട്ട്. നാരങ്ങയില്‍ വിറ്റാമിന്‍ സിയുമുണ്ട്. അതിനാല്‍ ബീറ്റ്റൂട്ട് ലൈം ജ്യൂസ് കുടിക്കുന്നത് വിളര്‍ച്ചയെ തടയാന്‍ സഹായിക്കും. 

ഫൈബര്‍ ധാരാളം അടങ്ങിയ പച്ചക്കറിയാണ് ബീറ്റ്റൂട്ട്. അതിനാല്‍ രാവിലെ വെറും വയറ്റില്‍ ബീറ്റ്റൂട്ട് ലൈം ജ്യൂസ് കുടിക്കുന്നത് ദഹനം മെച്ചപ്പെടുത്താന്‍ സഹായിക്കും. 
 

പൊട്ടാസ്യം, നൈട്രേറ്റ്‌സ് എന്നിവ അടങ്ങിയാണ് ബീറ്റ്റൂട്ട്. രക്തസമ്മർദ്ദത്തെ കുറയ്ക്കാനും ഹൃദയാരോഗ്യം സംരക്ഷിക്കാനും ബീറ്റ്റൂട്ട് ലൈം ജ്യൂസ് കുടിക്കാം. 
 

ബീറ്റ്റൂട്ടിലും നാരങ്ങയിലും വിറ്റാമിന്‍ സി ധാരാളം അടങ്ങിയിട്ടുണ്ട്. അതിനാല്‍ പ്രതിരോധശേഷി വര്‍ധിപ്പിക്കാന്‍ ബീറ്റ്റൂട്ട് ലൈം ജ്യൂസ് കുടിക്കാം. 
 

ബീറ്റ്‌റൂട്ടില്‍ കലോറി വളരെ കുറവാണ്. ഇവയില്‍ നാരുകളും അടങ്ങിയിട്ടുണ്ട്. 

വിറ്റാമിന്‍ സിയും ആന്‍റി ഓക്സിഡന്‍റുകളും അടങ്ങിയ ബീറ്റ്റൂട്ട് ലൈം ജ്യൂസ് കുടിക്കുന്നത് ചര്‍മ്മത്തിന്‍റെ ആരോഗ്യത്തിനും നല്ലതാണ്. 
 

നൈട്രേറ്റുകളാൽ സമ്പന്നമായ ബീറ്റ്റൂട്ട് കരളിലെ വിഷാംശങ്ങളെ പുറംതള്ളാനും കരളിന്‍റെ ആരോഗ്യം സംരക്ഷിക്കാനും സഹായിക്കും.