വിഷാദം

വിഷാദം എന്നത് ഒരു വ്യക്തിയുടെ ചിന്തകളെയും വികാരങ്ങളെയും ദൈനംദിന ജീവിതത്തെയും ബാധിക്കുന്ന ഗുരുതരമായ ഒരു മാനസികാരോഗ്യ പ്രശ്നമാണ്. ഈ ലക്ഷണങ്ങളെ അവഗണിക്കരുത്.

എപ്പോഴും വിഷമം തോന്നുക, നല്ല കാര്യങ്ങൾ സംഭവിച്ചാലും സന്തോഷം ഇല്ലാതിരിക്കുക, ചെയ്യുന്ന ജോലികളിൽ ഒന്നും സംതൃപ്തി കിട്ടാത്ത അവസ്ഥ എന്നിവയെല്ലാം വിഷാദത്തിന്റെ ലക്ഷണമാണ്.

യാഥാർഥ്യബോധമുള്ള കരണങ്ങൾക്കപ്പുറം എപ്പോഴും സ്വയം വിലയില്ലായ്മ പോലുള്ള വികാരങ്ങൾ ഉണ്ടാകുന്നത് വിഷാദത്തിന്റെ ലക്ഷണമാകാം.

വിട്ടുമാറാത്ത ക്ഷീണം, ജോലികൾ ചെയ്യാൻ പ്രചോദനം തോന്നാത്ത സാഹചര്യങ്ങൾ തുടങ്ങിയവയെല്ലാം വിഷാദത്തിന്റെ ലക്ഷണങ്ങളാണ്.

എപ്പോഴും ആത്മഹത്യ ചെയ്യാൻ തോന്നുന്നത് വിഷാദത്തിന്റെ ലക്ഷണമാണ്. ഇത്തരം ലക്ഷണങ്ങളെ ഒരിക്കലും അവഗണിക്കരുത്.

ശ്രദ്ധ കേന്ദ്രീകരിക്കാൻ കഴിയാതാവുക, തീരുമാനങ്ങൾ എടുക്കാൻ കഴിയാതെ വരുക, ഓർമ്മക്കുറവ് എന്നിവയെല്ലാം വിഷാദത്തിന്റെ ലക്ഷണങ്ങളാണ്.

നിരന്തരമായ ദഹന പ്രശ്നങ്ങൾ, തലവേദന, ശരീര വേദന തുടങ്ങിയവയെല്ലാം വിഷാദത്തിന്റെ ലക്ഷണമാകാം.

ശരിയായ രീതിയിൽ ഉറങ്ങാൻ കഴിയാതാവുക, അമിതമായി ഉറങ്ങുക, വിശപ്പിൽ ഉണ്ടാകുന്ന മാറ്റങ്ങൾ എന്നിവയെല്ലാം വിഷാദത്തിന്റെ ആദ്യ ലക്ഷണങ്ങളാണ്.