ഈ ചേരുവകൾ ചേർത്ത് പാൽ കുടിച്ചോളൂ

ദിവസവും പാൽ കുടിക്കുന്നവരാണോ നിങ്ങൾ? എങ്കിൽ ഇനി മുതൽ ഈ ചേരുവകൾ ചേർത്ത് പാൽ കുടിച്ചോളൂ. 

ചെറുചൂടുള്ള പാലിൽ ഒരു നുള്ള് മഞ്ഞൾ കൂടി ചേർത്ത് കുടിക്കുന്നത്  സന്ധി വേദന, ദഹനപ്രശ്‌നങ്ങൾ, ചർമ്മത്തിലെ വീക്കം എന്നിവയ്ക്ക് സഹായിക്കുന്നു.
 

തേനിൽ ആൻ്റിഓക്‌സിഡൻ്റുകൾ, വിറ്റാമിനുകൾ, ധാതുക്കൾ എന്നിവ അടങ്ങിയിട്ടുണ്ട്. ഇത് മെച്ചപ്പെട്ട ദഹനത്തിനും പ്രതിരോധശേഷി വർദ്ധിപ്പിക്കുന്നതിനും സഹായിക്കുന്നു.
 

ഏലയ്ക്കയിൽ ദഹനത്തെ സഹായിക്കുന്ന അവശ്യ പോഷകങ്ങൾ അടങ്ങിയിരിക്കുന്നു. ഏലയ്ക്ക ചേർത്ത പാൽ കുടലിൻ്റെ ആരോഗ്യം നിലനിർത്താനും നല്ലതാണ്.

ഇഞ്ചിയിട്ട പാൽ കുടിക്കുന്നത് ദഹനത്തിനും ജലദോഷത്തിൻ്റെ ലക്ഷണങ്ങൾ ഒഴിവാക്കുന്നതിനും അണുബാധകളെ ചെറുക്കുന്നതിനും സഹായിക്കുന്നു.
 

പാലിൽ ഒരു നുള്ള് കുങ്കുമപ്പൂവ് ചേർത്ത് കുടിക്കുന്നത് മാനസികാവസ്ഥയെ നിയന്ത്രിക്കാനും ചർമ്മത്തിൻ്റെ ആരോഗ്യം മെച്ചപ്പെടുത്താനും സഹായിക്കുന്നു. 

വെളുത്തുള്ളി ചേർത്ത് പാൽ കുടിക്കുന്നത് പ്രതിരോധശേഷി കൂട്ടാനും ദഹനപ്രശ്നങ്ങൾ അകറ്റാനും സഹായിക്കും.