എല്ലുകളെ ബലമുള്ളതാക്കാൻ കഴിക്കേണ്ട കാത്സ്യം അടങ്ങിയ ആറ് ഭക്ഷണങ്ങൾ

എല്ലുകളെ ബലമുള്ളതാക്കാൻ കഴിക്കേണ്ട കാത്സ്യം അടങ്ങിയ ആറ് ഭക്ഷണങ്ങൾ. 

ചിയ സീഡിൽ അടങ്ങിയിരിക്കുന്ന ബോറോൺ എന്ന ധാതു അസ്ഥികളുടെ വളർച്ചയെ സഹായിക്കുന്നു. ശരീരത്തിലെ ഫോസ്ഫറസ്, മഗ്നീഷ്യം, കാൽസ്യം എന്നിവയുടെ മെറ്റബോളിസത്തെയും ഇത് സഹായിക്കുന്നു.

ബദാമിൽ കാൽസ്യം, ഫാറ്റി ആസിഡുകൾ, വിറ്റാമിൻ ഇ, എന്നിവ ധാരാളമായി അടങ്ങിയിട്ടുണ്ട്. ഇവ എല്ലുകളുടെ വളർച്ചയ്ക്കും സഹായിക്കുന്നു.

എല്ലുകളുടെയും പല്ലുകളുടെയും ബലം വർദ്ധിപ്പിക്കാനും അവയെ സംരക്ഷിക്കാനും സഹായിക്കുന്ന കാൽസ്യം, ഫോസ്ഫറസ് എന്നിവയാൽ സമ്പന്നമാണ് തൈര്.

മുട്ടയിൽ നല്ല അളവിൽ വിറ്റാമിൻ ഡി അടങ്ങിയിട്ടുള്ളതിനാൽ അവ എല്ലുകളെ ശക്തിപ്പെടുത്താൻ സഹായിക്കുന്നു. മുട്ടയുടെ മഞ്ഞക്കരുവിലാണ് വിറ്റാമിൻ ഡി അടങ്ങിയിരിക്കുന്നത്.

കാൽസ്യത്തിന്റെയും പ്രോട്ടീന്റെയും മികച്ച ഉറവിടമാണ് ചീസ്. കാൽസ്യം ധാരാളമടങ്ങിയ ഭക്ഷണങ്ങളിൽ ഉൾപ്പെടുത്താവുന്ന ഒന്നാണിത്.

പയർവർഗ്ഗങ്ങളിലും പരിപ്പുവർഗ്ഗങ്ങളിലും നാരുകൾ (fiber), പ്രോട്ടീൻ, മറ്റ് ധാതുക്കൾ എന്നിവ അടങ്ങിയിരിക്കുന്നു. ഇവ എല്ലുകളെ ബലമുള്ളതാക്കുന്നു.