മുഖക്കുരുവും കറുത്തപാടുകളും എളുപ്പം അകറ്റാം

മുഖക്കുരുവും കറുത്തപാടുകളും ഇനി എളുപ്പം അകറ്റാം ; കറ്റാർവാഴ ഇങ്ങനെ ഉപയോ​ഗിച്ചാൽ മതി

മുഖക്കുരുവും കറുത്തപാടുകളും അകറ്റാൻ മാത്രമല്ല വിവിധ ചർമ്മ പ്രശ്നങ്ങൾ അകറ്റുന്നതിന് മികച്ചതാണ് കറ്റാർവാഴ.

ആന്റിഓക്‌സിഡന്റുകളാൽ സമ്പുഷ്ടവുമായതിനാൽ മുഖക്കുരു സാധ്യതയുള്ളതും സെൻസിറ്റീവുമായ ചർമ്മം ഉൾപ്പെടെ മിക്ക ചർമ്മ തരങ്ങൾക്കും ഇത് അനുയോജ്യമാണ്.

പ്രധാനമായും വെള്ളം അടങ്ങിയിരിക്കുന്നതിനാൽ ചർമ്മത്തിലേക്ക് എളുപ്പത്തിൽ ആഴ്ന്നിറങ്ങി ഈർപ്പം നൽകാനും വരൾച്ചയെ പ്രതിരോധിക്കാനും കറ്റാർവാഴ സഹായിക്കുന്നു.

ജെല്ലിലെ പ്രകൃതിദത്ത ആൻറി ബാക്ടീരിയൽ ഏജന്റുകളും സാലിസിലിക് ആസിഡും മുഖക്കുരുവിന്റെ ലക്ഷണങ്ങൾ കുറയ്ക്കാനും വീർത്ത മുഖക്കുരു ശമിപ്പിക്കാനും സഹായിക്കുന്നു.

കറ്റാർവാഴ ജെൽ 1 ടേബിൾ സ്പൂൺ തേനുമായി യോജിപ്പിച്ച ശേഷം മുഖത്തിടുക. ഇത് ചർമ്മത്തെ ഈർപ്പമുള്ളതായി നിലനിർത്തുന്നു.

കറ്റാർവാഴ ജെല്ലും നന്നായി പൊടിച്ച ഓട്‌സുമായി യോജിപ്പിക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക.

കറ്റാർവാഴ 1 ടേബിൾ സ്പൂൺ പ്ലെയിൻ തൈരുമായി യോജിപ്പിക്കുക. ശേഷം ഈ പാക്ക് മുഖത്തും കഴുത്തിലുമായി നന്നായി പുരട്ടി തേച്ചിടുക.