ശരീരത്തില്‍ ബയോട്ടിൻ കുറവാണോ? തിരിച്ചറിയേണ്ട ലക്ഷണങ്ങള്‍

ബയോട്ടിന്‍റെ കുറവു മൂലം തലമുടി കൊഴിച്ചില്‍ ഉണ്ടാകാനുള്ള സാധ്യത ഏറെയാണ്. അതിനാല്‍ അമിതമായ മുടി കൊഴിച്ചിലിനെ നിസാരമായി കാണേണ്ട.

ചര്‍മ്മത്തിലെ ചുവന്ന പാടുകള്‍, ചെതുമ്പൽ പോലെയുള്ള പാടുകൾ, പ്രത്യേകിച്ച് കണ്ണുകൾ, മൂക്ക്, വായ എന്നിവയ്ക്ക് ചുറ്റുമുള്ള പാടുകള്‍ ചിലപ്പോള്‍ ബയോട്ടിൻ കുറവിന്‍റെ മറ്റൊരു ലക്ഷണമാകാം.

ബയോട്ടിന്‍റെ കുറവ് മൂലം നഖങ്ങളുടെ ആരോഗ്യവും മോശമാകാം. ഇത് നിങ്ങളുടെ നഖങ്ങളെ ദുർബലവും പെട്ടെന്ന് പൊട്ടുന്നതുമാക്കുകയും ചെയ്യും.

ബയോട്ടിൻ കുറവ് മൂലം നിങ്ങളുടെ ഊർജനില താഴ്ന്ന് തുടരുകയും എല്ലായ്‌പ്പോഴും അലസതയും ക്ഷീണവും അനുഭവപ്പെടുകയും ചെയ്‌തേക്കാം.

ബയോട്ടിൻ കുറവ് മൂലം കൈ- കാലുകളില്‍ മരവിപ്പ് ഉണ്ടാകാം. കാരണം നിങ്ങളുടെ ശരീരത്തിലെ നാഡീവ്യവസ്ഥയുടെ പല പ്രവർത്തനങ്ങളെയും ബയോട്ടിൻ സഹായിക്കുന്നു. ഇതിന്‍റെ കുറവ് മൂലം മരവിപ്പ് ഉണ്ടാകാം.

മുട്ട, മധുരക്കിഴങ്ങ്, മഷ്റൂം, ചീര, സോയാ ബീന്‍സ്, റെഡ് മീറ്റ്, നട്സ്, വിത്തുകള്‍, ചീസ്  തുടങ്ങിയവയില്‍ നിന്നൊക്കെ ശരീരത്തിന് വേണ്ട ബയോട്ടിന്‍ ലഭിക്കും.

മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.