ഡെങ്കിപ്പനിയുടെ പ്രധാനപ്പെട്ട ചില ലക്ഷണങ്ങൾ

ഡെങ്കിപ്പനിയുടെ പ്രധാനപ്പെട്ട ചില ലക്ഷണങ്ങൾ

മഴക്കാലമായതോടെ സംസ്ഥാനത്ത് കൊതുക് ജന്യ രോഗബാധിതരുടെ എണ്ണവും വർധിക്കുകയാണ്. ജൂൺ മാസം മാത്രം 342 പേർക്കാണ് ഡെങ്കിപ്പനി ബാധിച്ചത്.

ഈഡിസ് ഇനത്തിൽപ്പെട്ട കൊതുകുകൾ പരത്തുന്ന വൈറസ് രോഗമാണ് ഡെങ്കിപ്പനി. മഴക്കാലത്തും അതിനുശേഷവും കാണപ്പെടുന്ന ഏറ്റവും സാധാരണമായ കൊതുകുജന്യ രോഗങ്ങളിൽ ഒന്നാണ് ഡെങ്കിപ്പനി.

കെട്ടിക്കിടക്കുന്ന ശുദ്ധജലത്തിൽ മുട്ടയിട്ട് പെരുകുന്ന ഇത്തരം കൊതുകുകൾ പകൽസമയത്താണ് മനുഷ്യരെ കടിക്കുക.

ക്യത്യസമയത്ത് ചികിത്സ ലഭിച്ചാൽ ഡെങ്കിപ്പ ഭേദമാകും. സാധാരണ വൈറൽ അണുബാധയ്ക്ക് സമാനമായ ലക്ഷണങ്ങളോടെയാണ് ഡെങ്കിപ്പനി ആരംഭിക്കുന്നത്.

ഉയർന്ന പനി സാധാരണയായി ആദ്യ ലക്ഷണമാണ്. ഇതോടൊപ്പം കഠിനമായ ശരീരവേദന, സന്ധി വേദന, തലവേദന, കണ്ണുകൾക്ക് പിന്നിലെ വേദന എന്നിവയും ഉണ്ടാകാം.

ശരിയായ വിശ്രമം, ജലാംശം, സമയബന്ധിതമായ വൈദ്യചികിത്സ എന്നിവയിലൂടെ മിക്ക ഡെങ്കി രോഗികളും സുഖം പ്രാപിക്കുന്നു. എന്നിരുന്നാലും, ലക്ഷണങ്ങൾ അവഗണിച്ചാൽ രോഗം അപകടകരമാകും.

ചിലരിൽ ഓക്കാനം, ഛർദ്ദി, ക്ഷീണം അല്ലെങ്കിൽ നേരിയ ചർമ്മ ചൊറിച്ചിൽ എന്നിവയും അനുഭവപ്പെടാം.

ജലാംശം നിലനിർത്താനും, താപനില നിരീക്ഷിക്കാനും, സ്വയം ചികിത്സ നടത്തുന്നത് ഒഴിവാക്കാനും ഡോക്ടർമാർ പറയുന്നു.