പ്രമേഹത്തിന്റെ ലക്ഷണങ്ങൾ

പ്രമേഹം നേരത്തെ തിരിച്ചറിയുന്നതും ചികിത്സ ചെയ്യുന്നതും രോഗത്തെ നിയന്ത്രിക്കാൻ സഹായിക്കും. ഈ ലക്ഷണങ്ങൾ അവഗണിക്കരുത്.

ചെറിയ മുറിവുകൾ പോലും ദിവസങ്ങളോളം ഉണങ്ങാതിരിക്കുന്നത് പ്രമേഹത്തിന്റെ ലക്ഷണമാണ്. ഇത് ഒരിക്കലും അവഗണിക്കരുത്.

വിട്ടുമാറാത്ത ക്ഷീണം ഉണ്ടാവുന്നതും പ്രമേഹത്തിന്റെ മറ്റൊരു ലക്ഷണമാണ്. ഇത്തരം ലക്ഷണങ്ങളെ നിസ്സാരമായി കാണരുത്.

സാധാരണയെക്കാളും അധികമായി മൂത്രമൊഴിക്കാൻ തോന്നുന്നത് പ്രമേഹത്തിന്റെ പ്രധാന ലക്ഷണങ്ങളിൽ ഒന്നാണ്.

ഭക്ഷണം കഴിച്ചതിന് ശേഷവും ഇടയ്ക്കിടെ വിശപ്പ് അനുഭവപ്പെടുന്നത് പ്രമേഹം ഉള്ളതിന്റെ ലക്ഷണമാണ്.

ഡയറ്റോ വ്യായാമമോ ചെയ്യാതെ പെട്ടെന്ന് ശരീരഭാരം കുറയുന്നത് പ്രമേഹത്തിന്റെ മറ്റൊരു ലക്ഷണമാണ്. ശരീരത്തിന് ശരിയായ രീതിയിൽ ഗ്ലൂക്കോസ് ഉപയോഗിക്കാൻ കഴിയാതെ വരുമ്പോഴാണ് ഇത് സംഭവിക്കുന്നത്.

എപ്പോഴും ദാഹം അനുഭവപ്പെടുന്നതും പ്രമേഹത്തിന്റെ ലക്ഷണമാണ്. ശരീരത്തിൽ അമിതമായി ഫ്ലൂയിഡ് നഷ്ടപ്പെടുമ്പോഴാണ് വെള്ള ദാഹം ഉണ്ടാകുന്നത്.

ചർമ്മത്തിലും മറ്റും ഇടയ്ക്കിടെ ഇൻഫെക്ഷൻ വരുന്നത് പ്രമേഹത്തിന്റെ ലക്ഷണമാണ്. പ്രമേഹം ഉയർന്ന് നിൽക്കുന്നതിനെയാണ് ഇത് സൂചിപ്പിക്കുന്നത്.