ഹൃദ്രോഗം തിരിച്ചറിയാം

ചെറുതെന്ന് കരുതി നമ്മൾ അവഗണിക്കുന്ന ചില ലക്ഷണങ്ങൾ ഗുരുതരമായ രോഗങ്ങളിലേക്ക് എത്തിച്ചേക്കാം. ഹൃദ്രോഗം നേരത്തെ തിരിച്ചറിയാൻ ശ്രദ്ധിക്കേണ്ട കാര്യങ്ങൾ.

നെഞ്ചിനുള്ളിൽ എന്തെങ്കിലും തങ്ങി നിൽക്കുന്നത് പോലെയോ ഇടയ്ക്കിടെ വേദന അനുഭവപ്പെട്ടാലോ മറ്റെന്തെങ്കിലും തരത്തിൽ അസ്വസ്ഥതകൾ ഉണ്ടെങ്കിലോ ശ്രദ്ധിക്കണം. ഇത്തരം ലക്ഷണങ്ങൾ അവഗണിക്കരുത്.

ചെറിയ ജോലികൾ ചെയ്യുമ്പോൾ തന്നെ ശ്വാസമെടുക്കാനുള്ള ബുദ്ധിമുട്ട് ഹൃദ്രോഗ സാധ്യതയെ ചൂണ്ടിക്കാട്ടുന്നു. ശരിയായ രീതിയിൽ രക്തയോട്ടം നടക്കാതെ വരുമ്പോഴാണ് ഇത് സംഭവിക്കുന്നത്.

വിട്ടുമാറാത്ത ക്ഷീണം, തളർച്ച, ഊർജ്ജക്കുറവ് എന്നിവയെല്ലാം ഹൃദ്രോഗ സാധ്യതയുടെ ലക്ഷണങ്ങളാണ്. ഇതിനെ ഒരിക്കലും നിസ്സാരമായി കാണരുത്.

ഹൃദ്രോഗത്തിന്റെ ലക്ഷണങ്ങൾ നെഞ്ചിൽ മാത്രം ഒതുങ്ങുന്നതല്ല. കഴുത്തിലെ വേദന, കൈകളിലെ വേദന, നടുവേദന എന്നിവയെല്ലാം ഹൃദ്രോഗത്തിന്റെ ലക്ഷണങ്ങളാണ്.

ഇടയ്ക്കിടെ നെഞ്ചിടിപ്പ് ഉണ്ടാകുന്നത് ഹൃദ്രോഗത്തിന്റെ ലക്ഷണമാണ്. ഇത്തരം ലക്ഷണങ്ങളെ ഒരിക്കലും നിസ്സാരമായി കാണരുത്.

ഹൃദയ സംബന്ധമായ പ്രശ്നങ്ങൾ കാരണം രക്തയോട്ടം കുറയാനും ഇത് കാലുകളിൽ ഫ്ലൂയിഡ് അടിഞ്ഞുകൂടാനും കാരണമാകുന്നു. കാലുകളിൽ വീക്കം ഉണ്ടാകുന്നത് ശ്രദ്ധയിൽപ്പെട്ടാൽ അത് അവഗണിക്കരുത്.

തലച്ചോറിലേക്ക് ആവശ്യമായ രക്തം എത്തിക്കാൻ ഹൃദയത്തിന് കഴിയാതെ വരുമ്പോൾ തലകറക്കം അനുഭവപ്പെടാം. ഇത് ഹൃദ്രോഗത്തിന്റെ മറ്റൊരു ലക്ഷണമാണ്.