താരൻ എളുപ്പം അകറ്റാം

ഇവ ഉപയോ​ഗിച്ചാൽ മതി, താരൻ എളുപ്പം അകറ്റാം

വെളിച്ചെണ്ണയിൽ അൽപം നാരങ്ങാനീര് ചേർത്ത് തലയിൽ നന്നായി മസാജ് ചെയ്യുക. അരമണിക്കൂറിനു ശേഷം ഷാംപൂ ഉപയോഗിച്ച് കഴുകി കളയുക.

തൈര് തലയോട്ടിയിൽ പുരട്ടി 15-20 മിനിറ്റിനു ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകുക.

ആര്യവേപ്പില വെള്ളത്തിൽ തിളപ്പിച്ച് ആ വെള്ളം തണുത്ത ശേഷം തല കഴുകാൻ ഉപയോഗിക്കുക

ടീ ട്രീ ഓയിൽ തലയോട്ടിയിൽ തേച്ച് പിടിപ്പിക്കുക. 15 മിനുട്ടിന് ശേഷം കഴുകി കളയുക.

ഒലിവ് ഓയിൽ ചൂടാക്കി തലയിൽ പുരട്ടാം. ഒരു രാത്രി ഇത് പുരട്ടി പിറ്റേന്ന് മുടി ചീകാം. ഇത് തലയോട്ടിക്ക് തണുപ്പ് നൽകുകയും താരൻ കുറയ്ക്കുകയും ചെയ്യും.

പ്രോട്ടീൻ ധാരാളമടങ്ങിയ മുട്ട താരൻ അകറ്റാൻ സഹായിക്കും. മുട്ട നന്നായി അടിച്ച് പതപ്പിച്ച ശേഷം തലയോട്ടിയിൽ പുരട്ടുക. 15–20 മിനിറ്റിനു ശേഷം തണുത്ത വെള്ളത്തിൽ തല കഴുകാം.

താരൻ അകറ്റാന്‍ ആഴ്ചയിൽ ഒരു ദിവസം ആവണക്കെണ്ണ ഉപയോഗിക്കാം. തലയോട്ടിയുടെ ആരോഗ്യം മെച്ചപ്പെടുത്തും.

തലയോട്ടിയിലെ ചർമത്തിന്റെ ആരോഗ്യത്തിന് കറ്റാർവാഴ ജെൽ നല്ലതാണ്. ഇത് തലമുടിയെ മോയ്സ്ചറൈസ് ചെയ്യും. കറ്റാർവാഴ ആന്റിബാക്ടീരിയൽ ആന്റി ഫംഗൽ ഗുണങ്ങൾ താരൻ ഇല്ലാതാക്കും.