മുഖം മിനുക്കാൻ മുട്ട മതിയാകും, പരീക്ഷിക്കാം മുട്ട കൊണ്ടുള്ള കിടിലൻ ഫേസ് പാക്കുകൾ
മുഖം സുന്ദരമാക്കാൻ മികച്ചതാണ് മുട്ട. വിറ്റാമിനുകൾ, ധാതുക്കൾ, മറ്റ് ഘടകങ്ങൾ എന്നിവയാൽ മുട്ട സമ്പന്നമാണ്.
ചർമ്മത്തിന്റെ ഇലാസ്തികത വർദ്ധിപ്പിക്കുന്നതിനും യുവത്വം നിലനിർത്തുന്നതിനും സഹായിക്കുന്ന പ്രോട്ടീനുകൾ, വിറ്റാമിനുകൾ എ, ഡി, ഇ, ആന്റിഓക്സിഡന്റുകൾ എന്നിവയും അവയിൽ അടങ്ങിയിട്ടുണ്ട്.
മുട്ടയുടെ വെള്ളയിൽ പ്രധാനമായും വെള്ളവും പ്രോട്ടീനുകളും അടങ്ങിയിരിക്കുന്നു. പ്രത്യേകിച്ച് ആൽബുമിൻ. ഇത് സുഷിരങ്ങൾ മുറുക്കാനും നേർത്ത വരകൾ കുറയ്ക്കാനും സഹായിക്കുന്നു.
മുട്ട സുഷിരങ്ങൾ ഉണ്ടാകുന്നത് തടയുകയും ചുളിവുകൾ ഉണ്ടാകുന്നത് തടയുകയും ചെയ്യുന്നു.
രണ്ട് മുട്ടയുടെ മഞ്ഞയിലേക്ക് അൽപം തേൻ ചേർക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക. നന്നായി ഉണങ്ങി കഴിഞ്ഞാൽ തണുത്ത വെള്ളത്തിൽ മുഖം കഴുകുക.
മുട്ടയുടെ മഞ്ഞക്കരുവിൽ ഒരു ടേബിൾസ്പൂൺ ഒലിവ് ഓയിൽ ചേർത്ത് മിശ്രിതം മുഖത്ത് പുരട്ടുക. ഉണങ്ങി കഴിഞ്ഞാൽ മുഖം കഴുകുക. ആഴ്ചയിൽ രണ്ടോ മൂന്നോ ദിവസം ഈ പാക്ക് ഇടുക.
മുട്ടയുടെ വെള്ളയിലേക്ക് അൽപം കടലമാവ് ചേർത്ത് മുഖത്തും കഴുത്തിലുമായി തേച്ച് പിടിപ്പിക്കുക. നന്നായി ഉണങ്ങിയതിന് ശേഷം കഴുകുക.