ഗ്യാസ് കൊണ്ട് വയറുവീർക്കുന്നുണ്ടോ?

ഗ്യാസ് കൊണ്ട് വയറുവീർക്കുന്നുണ്ടോ? ഇതാ അഞ്ച് സിംപിൾ വഴികൾ

പലപ്പോഴും അമിതമായി ഭക്ഷണം കഴിക്കുന്നതിനാലോ അല്ലെങ്കിൽ വലിയ രീതിയിലുള്ള ഭക്ഷണത്തിന് ശേഷമോ വയർ വീർക്കുന്നതായി തോന്നും. ഇത് പലപ്പോഴും അസ്വസ്ഥത, വേദന എന്നിവയ്ക്ക് കാരണമാകും.

ആമാശയത്തിലെ ദഹനനാളത്തിൽ ബാക്ടീരിയ ഉത്പാദിപ്പിക്കുന്ന ചില കുടൽ വാതകങ്ങൾ കാരണമാണ് പലപ്പോഴും വയറ് വീർക്കൽ സംഭവിക്കുന്നത്. 

ശരിയായി ആഗിരണം ചെയ്യപ്പെടാത്ത ഭക്ഷണത്തിൽ നിന്നാണ് ബാക്ടീരിയ ഈ വാതകങ്ങൾ ഉത്പാദിപ്പിക്കുന്നത്.

ഭക്ഷണം കഴിച്ചതിനുശേഷം വയറു വീർക്കുന്നത് കുറയ്ക്കാൻ പരീക്ഷിക്കാവുന്ന അഞ്ച് വഴികളെ കുറിച്ചാണ് ഇനി പറയുന്നത്.

ദൈനംദിന ഭക്ഷണത്തിൽ പെപ്പർമിന്റ് ചായ ഉൾപ്പെടുത്തുക. കാരണം അവയിൽ മെന്തോൾ അടങ്ങിയിട്ടുണ്ട്. ഇത് മലബന്ധവും ​ഗ്യാസ് പ്രശ്നവും കുറയ്ക്കുകയും ചെയ്യുന്നു.

ഭക്ഷണത്തിനു ശേഷം പെരുംജീരകം ചവയ്ക്കുന്നത് ഗ്യാസ് കൊണ്ട് വയറുവീർക്കുന്നത് തടയും

ലാക്ടോസ് അസഹിഷ്ണുതയുണ്ടെങ്കിൽ പാലുൽപ്പന്നങ്ങൾ കഴിച്ച് 30 മിനിറ്റ് മുതൽ 2 മണിക്കൂർ വരെ കഴിഞ്ഞ് വയറു വീർക്കൽ പോലുള്ള ലക്ഷണങ്ങൾ പ്രത്യക്ഷപ്പെടാം. പാലുൽപ്പന്നങ്ങൾ ഒഴിവാക്കുക.

കാർബണേറ്റഡ് പാനീയങ്ങളുടെ ഉപഭോഗം പരിമിതപ്പെടുത്തുക. കാരണം അവ കാർബൺ ഡൈ ഓക്സൈഡ് വാതകം നേരിട്ട് ദഹനവ്യവസ്ഥയിലേക്ക് എത്തിക്കുന്നു. ഈ കുമിളകൾ വായു പ്രശ്നം ഉണ്ടാക്കാം.

വയറു വീർക്കുന്നത് തടയാനുള്ള ഒരു മാർഗം ക്രമേണ നാരുകളുടെ അളവ് വർദ്ധിപ്പിക്കുക എന്നതാണ്. മലബന്ധം, വയറിളക്കം എന്നിവയും അനുഭവപ്പെടാം.