തണുപ്പുകാലത്ത് ആസ്ത്മ രോഗികള്‍ ഒഴിവാക്കേണ്ട ഭക്ഷണങ്ങള്‍

തണുപ്പുകാലത്ത് ആസ്‍ത്മാ രോഗികള്‍ ഒഴിവാക്കേണ്ട ഭക്ഷണങ്ങൾ എന്തൊക്കെയാണെന്ന് പരിചയപ്പെടാം:

തൈര് പൊതുവേ തണുത്ത ഭക്ഷണമായതിനാല്‍ തണുപ്പുകാലത്ത് ഇവ കഴിക്കുന്നത് ഒഴിവാക്കുന്നതാണ് ആസ്‍ത്മ രോഗികള്‍ക്ക് നല്ലത്. കാരണം ഇവ ആസ്‍ത്മയുടെ ലക്ഷണങ്ങള്‍ മൂര്‍ച്ഛിക്കാന്‍ കാരണമാകാം.

ഐസ്ക്രീമും തണുപ്പുകാലത്ത് കഴിക്കുന്നത് ചിലപ്പോള്‍ ആസ്‍ത്മയുടെ ലക്ഷണങ്ങളെ മൂര്‍ച്ഛിക്കാന്‍ കാരണമായേക്കാം. അതിനാല്‍ ഇവയും ഒഴിവാക്കുക.

ഷാര്‍ജ പോലെയുള്ള തണുത്ത പാനീയങ്ങളും തണുപ്പുകാലത്ത് ആസ്ത്മ രോഗികള്‍ ഒഴിവാക്കുക.

പ്രോസസ്ഡ് ഭക്ഷണങ്ങൾ, ജങ്ക് ഫുഡ്, എണ്ണയില്‍ വറുത്തതും പൊരിച്ചതുമായ ഭക്ഷണങ്ങള്‍, കൊഴുപ്പ് കൂടുതൽ അടങ്ങിയ ഭക്ഷണങ്ങള്‍ എന്നിവയും ആസ്‍ത്മയുടെ ലക്ഷണങ്ങളെ കൂട്ടാന്‍ കാരണമായേക്കാം.

മധുരം ധാരാളം അടങ്ങിയ ഭക്ഷണങ്ങളും അമിതമായി കഴിക്കുന്നത് ചിലപ്പോള്‍ ആസ്‍ത്മയുടെ ലക്ഷണങ്ങളെ വഷളാക്കാം.

പാല്‍, ചായ, കാപ്പി തുടങ്ങിയവയും ആസ്ത്മ രോഗികള്‍ പരമാവധി ഡയറ്റില്‍ നിന്നും ഒഴിവാക്കുന്നതാണ് നല്ലത്.

അമിത മദ്യപാനവും ആസ്ത്മ രോഗികള്‍ ഒഴിവാക്കുക. ഇവ ശരീരത്തിന്‍റെ മൊത്തം ആരോഗ്യത്തിനും നന്നല്ല.