മഴക്കാലത്ത് ഭക്ഷണത്തിൽ ശ്രദ്ധ വേണം

മഴക്കാലത്ത് ഭക്ഷണത്തിൽ ശ്രദ്ധ വേണം ; ശ്രദ്ധിക്കേണ്ട കാര്യങ്ങൾ

മഴക്കാലത്ത് രോ​ഗങ്ങൾ വളരെ പെട്ടെന്നാകും പിടിപെടുക. ഭക്ഷണകാര്യത്തിലും ഏറെ ശ്രദ്ധ വേണ്ട സമയമാണ് മഴക്കാലം.

തുറസായ സ്ഥലങ്ങളില്‍ നിന്ന് വെള്ളം കുടിക്കുന്നത് ഒഴിവാക്കുക. മഴക്കാലത്ത് തിളപ്പിച്ച് ആറിയ വെള്ളം കയ്യില്‍ കരുതാന്‍ ശ്രമിക്കുക.

മഴക്കാലത്ത് സീ ഫുഡ് കഴിക്കുന്നതിന്റെ അളവ് കുറയ്ക്കുക. മഴക്കാലത്ത് വെള്ളം മലിനമാകാനുള്ള സാധ്യത കൂടുതലാണ്.

അസംസ്‌കൃത പച്ചക്കറികൾക്ക് പകരം ആവിയിൽ വേവിച്ചതോ വേവിച്ചതോ ആയ പച്ചക്കറികൾ കഴിക്കുക. കാരണം അസംസ്ക്യത പച്ചക്കറികളില്‍ ബാക്ടീരിയകളും വൈറസുകളും അടങ്ങിയിട്ടുണ്ട്.

തൈര്, മോര്, സോയാബീൻ എന്നിവ ഭക്ഷണത്തില്‍ ഉള്‍പ്പെടുത്തുക. പ്രോബയോട്ടിക്കുകൾ ദഹനവ്യവസ്ഥയിൽ പ്രവർത്തിക്കുകയും പ്രതിരോധശേഷി വർദ്ധിപ്പിക്കുകയും ചെയ്യുന്നു.

ജലദോഷം, പനി എന്നിവയ്ക്കെതിരേ പ്രവർത്തിക്കാൻ ഇഞ്ചിയും വെളുത്തുള്ളിയും സഹായിക്കുന്നു. വൈറസിനെതിരേ പ്രവർത്തിക്കാനുള്ള കഴിവ് ഇവയ്ക്കുണ്ട്.

മഞ്ഞളിൽ അടങ്ങിയിരിക്കുന്ന കുർകുമിൻ എന്ന ഘടകം വയറ്റിലെ പ്രശ്നങ്ങൾ തടയുകയും ശരീരത്തിന്റെ രോഗപ്രതിരോധ ശേഷി വർധിപ്പിക്കുകയും ചെയ്യുന്നു. പാലിലോ അല്ലാതെയോ കഴിക്കാം.