മലബന്ധമാണോ പ്രശ്നം?

മലബന്ധമാണോ പ്രശ്നം? എങ്കിൽ കഴിക്കേണ്ടതും ഒഴിവാക്കേണ്ടതുമായ ഭക്ഷണങ്ങൾ ഇവയൊക്കെയാണ്

പലരും നേരിടുന്ന ഏറ്റവും സാധാരണമായ ആശങ്കകളിൽ ഒന്നാണ് മലബന്ധം. മോശം ഭക്ഷണ ശീലങ്ങൾ, സ്ട്രെസ്, നാരുകളുടെ കുറവ് എന്നിവയെല്ലാം മലബന്ധ പ്രശ്നം ഉണ്ടാക്കാം.

സാധാരണ മലവിസർജ്ജന ശീലങ്ങൾ വ്യക്തിയിൽ നിന്ന് വ്യക്തിക്ക് വ്യത്യാസപ്പെടാം. ചിലർക്ക് ദിവസത്തിൽ പല തവണ മലവിസർജ്ജനം ഉണ്ടാകാം. മറ്റുള്ളവർക്ക് ആഴ്ചയിൽ ഒന്നോ രണ്ടോ തവണ മാത്രമേ ഉണ്ടാകൂ.

നിങ്ങൾക്ക് പലപ്പോഴും വയറു വീർക്കുന്നതോ ക്രമരഹിതമായ മലവിസർജ്ജനം ശ്രദ്ധയിൽപ്പെട്ടാൽ മലബന്ധം ദഹനവ്യവസ്ഥയെ മന്ദഗതിയിലാക്കുന്നുണ്ടാകാം. 

ചീസ്, വെെറ്റ് ബ്രെഡ്, എണ്ണയിൽ വറുത്ത ഭക്ഷണങ്ങൾ, മദ്യം, ചിപ്‌സ്, ചോക്ലേറ്റ്, ഫാസ്റ്റ് ഫുഡ് എന്നിവയെല്ലാം മലബന്ധം ഉണ്ടാക്കുന്ന ഭക്ഷണങ്ങളാണ്.

പ്ളം, ഫ്ളാക്സ് സീഡുകൾ, ഓട്സ്, കിവി, ചീര, പിയേഴ്സ്, ചിയ സീഡ്, കാപ്പി, മധുരക്കിഴങ്ങ് എന്നിവ മലബന്ധ പ്രശ്നം തടയുന്നു. ഇവയിൽ നാരുകൾ, പ്രകൃതിദത്ത  ജലാംശം എന്നിവ അടങ്ങിയിട്ടുണ്ട്.

എരിവുള്ള ഭക്ഷണങ്ങൾ മലബന്ധത്തിന് കാരണമാകും. മലമൂത്ര വിസർജ്ജന സമയത്ത് എരിവുള്ള ഭക്ഷണം വേദന വർദ്ധിപ്പിക്കും. മലമൂത്ര വിസർജ്ജനത്തിന് ശേഷം അസ്വസ്ഥത ഉണ്ടാകാം.