ഈ തെറ്റുകൾ ആവർത്തിച്ചാൽ യൂറിക് ആസിഡ് കൂടും

നമ്മുടെ ചില ശീലങ്ങളാണ് പലപ്പോഴും യൂറിക് ആസിഡ് കൂടാൻ കാരണം. അത് എന്തൊക്കെയാണെന്നും എങ്ങനെ നിയന്ത്രിക്കാമെന്നും നോക്കാം.

റെഡ് മീറ്റില്‍ പ്യൂരിനുകൾ ധാരാളമായി അടങ്ങിയിട്ടുണ്ട്. ഇത് ശരീരത്തിലെ യൂറിക് ആസിഡിന്‍റെ അളവ് കൂട്ടും.

അമിതമായ മദ്യപാനം ശരീരത്തിൽ യൂറിക് ആസിഡിന്റെ അളവ് വർദ്ധിപ്പിക്കും. അതിനാൽ മദ്യപാനം മിതമാക്കുക. പൂർണ്ണമായും നിർത്തുന്നതാണ് ആരോഗ്യത്തിന് ഏറ്റവും നല്ലത്.

ഹൈ-ഫ്രക്ടോസ് കോൺ സിറപ്പ് അടങ്ങിയ മധുര പാനീയങ്ങൾ യൂറിക് ആസിഡ് കൂട്ടാൻ കാരണമാകും. അതിനാൽ ഇത്തരം പാനീയങ്ങൾ പൂർണ്ണമായും ഒഴിവാക്കുന്നതാണ് ആരോഗ്യത്തിന് നല്ലത്.

അമിത വണ്ണം ശരീരത്തിലെ ഉപാപചയ പ്രവർത്തനങ്ങളെ തകരാറിലാക്കുകയും യൂറിക് ആസിഡ് കൂടാൻ കാരണമാകുകയും ചെയ്യും. ചിട്ടയായ വ്യായാമത്തിലൂടെയും നല്ല ഭക്ഷണത്തിലൂടെയും ശരീരഭാരം നിയന്ത്രിക്കുക.

യൂറിക് ആസിഡ് നിയന്ത്രിക്കാൻ ദിവസവും വ്യായാമം ചെയ്യുന്നത് ശീലമാക്കുക. നടത്തം, സൈക്കിൾ ചവിട്ടൽ, നീന്തൽ പോലുള്ള ലഘുവായ വ്യായാമങ്ങൾ ചെയ്യുന്നത് വളരെ ഗുണം ചെയ്യും.

ഓറഞ്ച്, നാരങ്ങ, സ്ട്രോബെറി പോലുള്ള വിറ്റാമിൻ സി ധാരാളം അടങ്ങിയ ഭക്ഷണങ്ങൾ കഴിക്കുക. ഇവ യൂറിക് ആസിഡിന്റെ അളവ് കുറയ്ക്കാൻ സഹായിക്കും.

തൈര്, ചീസ് പോലുള്ള കൊഴുപ്പ് കുറഞ്ഞ പാൽ ഉൽപ്പന്നങ്ങൾ ഭക്ഷണത്തിൽ ഉൾപ്പെടുത്തുക. ഒപ്പം, നാരുകൾ ധാരാളമുള്ള ധാന്യങ്ങൾ, നട്സ്, വിത്തുകൾ എന്നിവയും കഴിക്കുന്നത് നല്ലതാണ്.

ദിവസവും ധാരാളം വെള്ളം കുടിക്കുന്നത് യൂറിക് ആസിഡിനെ മൂത്രത്തിലൂടെ പുറന്തള്ളാൻ സഹായിക്കും. ഇത് വൃക്കയിൽ കല്ലുകൾ ഉണ്ടാകാനുള്ള സാധ്യതയും കുറയ്ക്കും.

പ്രമേഹമുള്ളവർ രക്തത്തിലെ പഞ്ചസാരയുടെ അളവ് നിയന്ത്രിക്കേണ്ടത് അത്യാവശ്യമാണ്. ഉയർന്ന ഷുഗർ ലെവൽ യൂറിക് ആസിഡിന്റെ അളവിനെയും ബാധിക്കും.