മുഖക്കുരു ഈസിയായി കുറയ്ക്കാം ; ഇവ ഉപയോ​ഗിച്ചാൽ മതിയാകും

മുഖക്കുരു ഈസിയായി കുറയ്ക്കാം ; ഇവ ഉപയോ​ഗിച്ചാൽ മതിയാകും

ഒരു ഐസ് ക്യൂബ് വൃത്തിയുള്ള തുണിയിൽ പൊതിഞ്ഞ് കുറച്ച് മിനിറ്റ് നേരം മുഖക്കുരുവിന് മുകളിൽ അമർത്തിപ്പിടിക്കുക. ഇത് ചുവപ്പ് കുറയ്ക്കാൻ സഹായിക്കും.

അൽപം ടീ ട്രീ ഓയിൽ മുഖക്കുരുവിന് മുകളിൽ പുരട്ടി മസാജ് ചെയ്യുക. 15 മിനുട്ടിന് ശേഷം കഴുകി കളയുക. ഇത് പാട് മാറാൻ സഹായിക്കും.

കറ്റാർവാഴ ജെൽ നേരിട്ട് മുഖക്കുരുവിൽ പുരട്ടി നന്നായി മസാജ് ചെയ്യുക. ഇത് ചുവപ്പ് കുറയ്ക്കുന്നു.

മുഖക്കുരു ഉള്ള ഭാഗത്ത് അല്പം ശുദ്ധമായ തേൻ പുരട്ടി 15 മിനിറ്റ് വയ്ക്കുക. ഇതിന്റെ ആന്റിബാക്ടീരിയൽ ഗുണങ്ങൾ ലഭിക്കുന്നതിനായി പിന്നീട് ഇളം ചൂടുവെള്ളത്തിൽ കഴുകിക്കളയുക.

രണ്ട് ടേബിൾസ്പൂൺ മുൾട്ടാനി മിട്ടി റോസ് വാട്ടറുമായി ചേർത്ത് കുഴമ്പ് രൂപത്തിലാക്കി മുഖത്ത് പുരട്ടുക. ഇത് ഉണങ്ങിയ ശേഷം കഴുകിക്കളയുക.

ആര്യവേപ്പിലയിട്ട് തിളപ്പിച്ച് ആറിയ വെള്ളം കൊണ്ട് മുഖം പതിവായി കഴുകുക.