ഹൃദയാഘാതം തടയാൻ ശ്രദ്ധിക്കേണ്ട അഞ്ച് പ്രധാനപ്പെട്ട കാര്യങ്ങൾ

ഹൃദയാഘാതം തടയാൻ ശ്രദ്ധിക്കേണ്ട അഞ്ച് പ്രധാനപ്പെട്ട കാര്യങ്ങൾ

ഹൃദയത്തിന്റെ ഒരു ഭാഗത്തേക്കുള്ള രക്തയോട്ടം തടസ്സപ്പെടുമ്പോഴാണ് പെട്ടെന്ന് ഹൃദയാഘാതം സംഭവിക്കുന്നത്.

ഒരാൾക്ക് പെട്ടെന്ന് ഹൃദയാഘാതം സംഭവിച്ചാൽ അയാൾക്ക് കടുത്ത നെഞ്ചുവേദന അനുഭവപ്പെടും. ഹൃദയാഘാതം തടയാൻ ശ്രദ്ധിക്കേണ്ട ചില കാര്യങ്ങളെ കുറിച്ചാണ് ഇനി പറയുന്നത്.

പുകവലി ശീലം ഹൃദയാഘാത സാധ്യത വർദ്ധിപ്പിക്കുന്നു. നിക്കോട്ടിൻ, കാർബൺ മോണോക്സൈഡ് തുടങ്ങിയ വിഷ രാസവസ്തുക്കൾ ധമനികളുടെ ഭിത്തികൾക്ക് കേടുപാടുകൾ വരുത്തുന്നു.

ഇടയ്ക്കിടെ ബിപി പരിശോധിക്കുന്നത് രക്തസമ്മർദ്ദത്തിന്റെ അളവ് കൃത്യമായി മനസ്സിലാക്കാൻ സഹായിക്കുന്നു. വീട്ടിൽ ഉപയോഗിക്കാവുന്ന ബിപി (BP) പരിശോധനാ ഉപകരണം വാങ്ങി ബിപി പരിശോധിക്കുക.

ഉയർന്ന കൊളസ്ട്രോൾ, ധമനികളിൽ ഫാറ്റി പ്ലാക്ക് അടിഞ്ഞുകൂടുന്നതിന് കാരണമാകുന്നു. ഇത് നെഞ്ചുവേദന, രക്തം കട്ടപിടിക്കൽ, ഹൃദയാഘാതം,  എന്നിവയ്ക്കുള്ള സാധ്യതയെ ഗണ്യമായി വർദ്ധിപ്പിക്കുന്നു.

ഭക്ഷണത്തിലെ പഞ്ചസാരയുടെ അളവ് പരിമിതപ്പെടുത്തുകയോ ‌ഒഴിവാക്കുകയോ ചെയ്യുക. രക്തത്തിലെ ഗ്ലൂക്കോസിന്റെ അളവ് വളരെ സ്ഥിരമായി നിലനിർത്താൻ ഇത് സഹായിക്കും.

ദിവസവും 20 മിനുട്ട് നേരം വ്യായാമം ചെയ്യുന്നത് ആരോ​ഗ്യകരമായ ഭാരം നിലനിർത്താനും ഹൃദയാഘാതം തടയാനും സഹായിക്കുന്നു.

പഴങ്ങൾ, പച്ചക്കറികൾ, ധാന്യങ്ങൾ എന്നിവ അടങ്ങിയ ഭക്ഷണക്രമം ശീലമാക്കുക. അതേസമയം സോഡിയം (ഉപ്പ്), അധികമായി ചേർക്കുന്ന പഞ്ചസാര, പൂരിത കൊഴുപ്പുകൾ എന്നിവയുടെ അളവ് കുറയ്ക്കുകയും ചെയ്യുക.