ശരീരഭാരം പെട്ടെന്ന് കുറയുന്നത് ഈ ക്യാൻസറിന്റെ ലക്ഷണം

പെട്ടെന്ന് ശരീരഭാരം കുറയുന്നത് വൻകുടൽ ക്യാൻസറിന്റെ ലക്ഷണമാണെന്ന് ആരോ​ഗ്യ വിദ​ഗ്ധർ. 

കൊളോറെക്ടൽ ക്യാൻസറിൽ ശരീരം രോഗത്തെ നേരിടാൻ ശ്രമിക്കുന്നതിനാലോ ട്യൂമർ സാധാരണ ദഹനത്തെയും പോഷക ആഗിരണത്തെയും തടസ്സപ്പെടുത്തുന്നതിനാലോ ശരീരഭാരം കുറയാം.

ഇടയ്ക്കിടെ വയറു വീർക്കുന്നതും വയറുവേദനയും സാധാരണമാണ്. എന്നാൽ ആഴ്ചകളോളം നിലനിൽക്കുന്നത് അവ​ഗണിക്കരുത്. ഇതും വൻകുടൽ ക്യാൻസറിന്റെ ലക്ഷണമാണ്.

തുടർച്ചയായ മലബന്ധം അല്ലെങ്കിൽ തുടർച്ചയായ വയറു വീർക്കൽ എന്നിവ ചിലപ്പോൾ ദഹനവ്യവസ്ഥയിലെ എന്തെങ്കിലും മെഡിക്കൽ വിലയിരുത്തൽ ആവശ്യമാണെന്നതിന്റെ ആദ്യകാല സൂചനകളാണെന്ന് ഡോക്ടർമാർ പറയുന്നു.

വൻകുടലിനെയോ മലാശയത്തെയോ ബാധിക്കുന്ന അർബുദമാണ് കോളൻ ക്യാൻസർ. തുടർച്ചയായ മലബന്ധം/വയറിളക്കം, മലത്തിൽ രക്തം, വയറുവേദന, വിശദീകരിക്കാനാകാത്ത ഭാരക്കുറവ് എന്നിവ പ്രധാന ലക്ഷണങ്ങളാണ്.

50 വയസ്സിനു മുകളിലുള്ളവരിൽ, പ്രത്യേകിച്ച് ചുവന്ന മാംസം അധികം കഴിക്കുന്നവരിൽ ഈ രോഗസാധ്യത കൂടുതലാണ്. കൊളോനോസ്കോപ്പി വഴി നേരത്തെ കണ്ടെത്തിയാൽ പൂർണ്ണമായും ചികിത്സിച്ചു മാറ്റാം.

ഗ്യാസ്, അസിഡിറ്റി, ഇറിറ്റബിൾ ബവൽ സിൻഡ്രോം തുടങ്ങിയ സാധാരണ ദഹന പ്രശ്നങ്ങളുമായി ബന്ധപ്പെട്ടിരിക്കുന്നു എന്നത് കൊണ്ടാണ് രോ​ഗം കണ്ടു പിടിക്കാൻ വെെകുന്നത്.