ഹൃദ്രോഗ സാധ്യത കുറയ്ക്കാൻ ഭക്ഷണത്തിൽ ശ്രദ്ധിക്കേണ്ട കാര്യങ്ങൾ എന്തെല്ലാം?
ഹൃദ്രോഗം തടയുന്നതിനും നിയന്ത്രിക്കുന്നതിനുമുള്ള പ്രധാന ഘടകങ്ങളാണ് ആരോഗ്യകരമായ ഭക്ഷണക്രമവും ജീവിതശൈലിയും. ഹൃദയ സംബന്ധമായ രോഗങ്ങൾ തടയാൻ ഭക്ഷണത്തിൽ ശ്രദ്ധിക്കേണ്ട ചില കാര്യങ്ങൾ.
പഴങ്ങൾ, പച്ചക്കറികൾ, നട്സ്, വിത്തുകൾ തുടങ്ങിയ പ്രകൃതിദത്തമായ ഭക്ഷണങ്ങൾ ഭക്ഷണക്രമത്തിൽ ഉൾപ്പെടുത്തുക. സംസ്കരിച്ച ഭക്ഷണങ്ങളിലും ധാന്യങ്ങളിലും പോഷകങ്ങളും നാരുകളും കുറവാണ്.
ഉപ്പും പഞ്ചസാരയും കഴിക്കുന്നത് കുറയ്ക്കുക എന്നതാണ് ശ്രദ്ധിക്കേണ്ട മറ്റൊരു കാര്യം. മധുരം അടങ്ങിയ ഭക്ഷണങ്ങളും പാനീയങ്ങളും, പ്രത്യേകിച്ച് അധികമായി പഞ്ചസാര ചേർത്തവ, കുറയ്ക്കുക.
കൊഴുപ്പ് കുറഞ്ഞ മാംസം, കോഴിയിറച്ചി, മത്സ്യം, കൊഴുപ്പ് കുറഞ്ഞതോ കൊഴുപ്പ് നീക്കം ചെയ്തതോ ആയ ക്ഷീരോൽപ്പന്നങ്ങൾ, മുട്ട എന്നിവ പ്രോട്ടീന്റെ മികച്ച ഉറവിടങ്ങളിൽ ചിലതാണ്.
ചിപ്സോ മധുരപലഹാരങ്ങളോ വാങ്ങുന്നതിനു പകരം നട്സ്, പഴങ്ങൾ, തൈര് തുടങ്ങിയ ആരോഗ്യകരമായ ലഘുഭക്ഷണങ്ങൾ കഴിക്കുക. ഇത് ഊർജ്ജം നിലനിർത്താനും വിശപ്പ് നിയന്ത്രിക്കാനും സഹായിക്കും.
ഒലിവ് ഓയിൽ, അവക്കാഡോ, സാൽമൺ തുടങ്ങിയ കൊഴുപ്പുള്ള മത്സ്യങ്ങൾ എന്നിവയിൽ അടങ്ങിയിട്ടുള്ള 'അൺസാച്ചുറേറ്റഡ് ഫാറ്റ്' (unsaturated fats) തിരഞ്ഞെടുക്കുക.
പച്ചക്കറികളും പഴങ്ങളും ഡ്രെെ ഫ്രൂട്ട്സുകളും വിറ്റാമിനുകളുടെയും ധാതുക്കളുടെയും മികച്ച ഉറവിടങ്ങളാണ്. ഇവയിൽ കലോറിയും കുറവാണ്.
മധുരപാനീയങ്ങൾ, അമിതമായി സംസ്കരിച്ച ഭക്ഷണങ്ങൾ, അധിക പഞ്ചസാരയും ശുദ്ധീകരിച്ച മാവും അടങ്ങിയ ഭക്ഷണങ്ങൾ, ഉപ്പിന്റെ അംശം കൂടുതലുള്ള വിഭവങ്ങൾ എന്നിവയുടെ ഉപയോഗം പരിമിതപ്പെടുത്തുക.