തമിഴ്‌നാട് 'തേര്‍തല്‍': സ്ഥാനാർഥികളില്‍ ഏറെ കോടീശ്വരൻമാർ

പെരമ്പൂർ, തൃച്ചി ഈസ്റ്റ് മണ്ഡലങ്ങളിൽ നിന്ന് മത്സരിക്കുന്ന വിജയ് 603.20 കോടി രൂപയുടെ ആസ്തിയാണ് സത്യവാങ്മൂലത്തിൽ രേഖപ്പെടുത്തിയിരിക്കുന്നത്.

വിജയിയുടെ ആസ്തിയിൽ വിവിധ ബാങ്ക് അക്കൗണ്ടുകളിലായി 213 കോടി രൂപയിലധികം നിക്ഷേപമുണ്ടെന്ന് പിടിഐ റിപ്പോർട്ട് ചെയ്യുന്നു.

ബിഎംഡബ്ല്യു 530, ടൊയോട്ട വെൽഫയർ, ബിഎംഡബ്ല്യു i7 തുടങ്ങി വൻ ആഡംബര കാറുകളുടെ ശേഖരം തന്നെ താരത്തിനുണ്ട്.

വില്ലിവാക്കം മണ്ഡലത്തിൽ മത്സരിക്കുന്ന ടിവികെ നേതാവ് ആദവ് അർജുന 197.52 കോടി രൂപയുടെ ആസ്തിയാണ് വെളിപ്പെടുത്തിയത്. വിജയുടെ പാര്‍ട്ടിയിലെ രണ്ടാമത്തെ സമ്പന്നനാണ് ആദവ്.

ഡിഎംകെ നേതാവും ഉപമുഖ്യമന്ത്രിയുമായ ഉദയനിധി സ്റ്റാലിൻ 20.64 കോടി രൂപയുടെ ആസ്തിയുണ്ടെന്ന് സത്യവാങ്മൂലത്തിൽ വ്യക്തമാക്കി.

സ്വതന്ത്ര സ്ഥാനാർത്ഥികളിൽ പലരും 1,000 രൂപയിൽ താഴെ ആസ്തിയുള്ളവരാണ്. അമ്പൂർ മണ്ഡലത്തിലെ എസ്ഡിപിഐ സ്ഥാനാർത്ഥി മുഹമ്മദ് മുബാറക്കിന് 6 ലക്ഷം രൂപയുടെ ആസ്തിയാണുള്ളത്.