സെലിബ്രിറ്റി സ്ഥാനാർഥികളുടെ വാഗ്ദാനങ്ങൾക്കെതിരെ നടി സുചിത്ര നായർ

ജയിച്ചാൽ പ്രധാനമന്ത്രി നരേന്ദ്ര മോദിയെ കൊണ്ടുവരുമെന്ന റോബിൻ രാധാകൃഷ്ണന്‍റെ വാഗ്ദാനത്തെ പരിഹസിച്ച് സുചിത്ര. പ്രധാനമന്ത്രിയെ കാണാനാണോ ഒരാൾ വോട്ട് ചെയ്യേണ്ടതെന്നാണ് ചോദ്യം. 

ജനങ്ങൾക്ക് വേണ്ടി എന്തെങ്കിലും ചെയ്യാനാണ് സ്ഥാനാർത്ഥികൾ മത്സരിക്കേണ്ടതെന്നും അങ്ങനെയുള്ളവരെയാണ് ജനങ്ങൾ വിശ്വസിക്കേണ്ടതെന്നും താരം വ്യക്തമാക്കി.

ജയിച്ചാൽ മമ്മൂട്ടിയെ കൊണ്ടുവരുമെന്ന് രമേഷ് പിഷാരടി പറഞ്ഞതിനും പരിഹാസം. 'ഇതിനുവേണ്ടിയാണോ ഇവരൊക്കെ ജയിക്കുന്നത്' എന്നായിരുന്നു സുചിത്രയുടെ മറുചോദ്യം.

താനൊരു സ്ഥാനാർത്ഥിയാണെങ്കിൽ ആരെയും കൊണ്ടുവരില്ലെന്നും, പകരം ജനങ്ങൾക്കായി എന്ത് ചെയ്യാൻ കഴിയുമെന്നാണ് നോക്കുകയെന്നും സുചിത്ര കൂട്ടിച്ചേർത്തു.

ബിഗ് ബോസ് നൂറു ദിവസം കണ്ടവർ വോട്ട് ചെയ്യുമെന്ന അഖിൽ മാരാരുടെ പ്രസ്താവനയോടും സുചിത്ര വിയോജിപ്പ് പ്രകടിപ്പിച്ചു.

ജനപ്രതിനിധിയും ബിഗ് ബോസ് താരവും രണ്ട് ധ്രുവങ്ങളിൽ നിൽക്കുന്നവരാണെന്നും ജനങ്ങൾക്കായി എന്ത് ചെയ്യുമെന്ന് വോട്ടർമാർ ചിന്തിക്കണമെന്നും താരം പറഞ്ഞു.