'ഫുൾ ടാൻ അടിച്ചു, മുഖം മാറി'; തെരഞ്ഞെടുപ്പ് വിശേഷങ്ങളുമായി അഞ്ജലി നായർ

കടുത്ത വേനലിൽ മണ്ഡലം ചുറ്റിയുള്ള പ്രചാരണം കാരണം തന്റെ മുഖം ആകെ ടാൻ അടിച്ചുവെന്നും തിരിച്ചറിയാൻ പോലും പറ്റാത്ത വിധം മാറിയെന്നും അഞ്ജലി പറയുന്നു.

താൻ അഭിനയിച്ച മിക്ക സിനിമകളിലും ഡൾ മേക്കപ്പായിരുന്നുവെന്നും, ഇപ്പോൾ വെയിലേറ്റു മുഖം മാറിയതിനാൽ മേക്കപ്പുകാരുടെ സഹായമില്ലാതെ തന്നെ അഭിനയിക്കാമെന്നും താരം തമാശയായി പറഞ്ഞു.

തന്നേക്കാൾ കൂടുതൽ വെയിൽ കൊള്ളുന്നവരാണ് കൂടെയുള്ള പ്രവർത്തകരെന്നും, അതിനാൽ തന്റെ ശാരീരിക ബുദ്ധിമുട്ടുകൾക്ക് വലിയ പ്രാധാന്യം നൽകുന്നില്ലെന്നും അഞ്ജലി വ്യക്തമാക്കി.

'ചക്ക തന്നെയല്ലേ താമര' എന്ന അഞ്ജലി നായരുടെ പ്രസ്താവന സോഷ്യൽ മീഡിയയിൽ വലിയ ട്രോളുകൾക്ക് കാരണമായിരുന്നു. എന്നാല്‍ ഇത് തന്‍റെ വാക്കുകളെല്ലാന്നാണ് അഞ്ജലി ഇപ്പോള്‍ പറയുന്നത്.

ക്ഷേത്രദർശനത്തിനിടെ ഒരാൾ തന്നെ പരിഹസിച്ചുവെന്നും, അപ്പോൾ അവിടെയുണ്ടായിരുന്ന ഒരു അമ്മൂമ്മ പറഞ്ഞ വാചകമാണ് താൻ ആവർത്തിച്ചതെന്നും താരം വിശദീകരിച്ചു.

ചിഹ്നത്തെക്കുറിച്ചുള്ള ട്രോളുകളോ വെയിലോ തന്നെ ബാധിക്കില്ലെന്നും തൃപ്പൂണിത്തുറയിലെ ജനങ്ങളുടെ മനസ് കീഴടക്കുക മാത്രമാണ് ലക്ഷ്യമെന്നും അഞ്ജലി ഉറപ്പിച്ചു പറയുന്നു.