2021-ലെ നിയമസഭാ തെരഞ്ഞെടുപ്പില്‍ ഏറ്റവും കൂടുതല്‍ ഭൂരിപക്ഷം നേടിയവര്‍

2021- ലെ നിയമസഭാ തെരഞ്ഞെടുപ്പിൽ ഏറ്റവും കൂടുതൽ ഭൂരിപക്ഷം ലഭിച്ച സ്ഥാനാർഥി സിപിഎമ്മിന്റെ കെ. കെ. ശൈലജ ആയിരുന്നു. 60,963 വോട്ടായിരുന്നു മട്ടന്നൂർ മണ്ഡലത്തിലെ ശൈലജയുടെ ഭൂരിപക്ഷം.

രണ്ടാമത് എത്തിയത് മുഖ്യമന്ത്രി പിണറായി വിജയനായിരുന്നു. 50,123 വോട്ടായിരുന്നു ധര്‍മ്മടം മണ്ഡലത്തിലെ പിണറായിയുടെ ഭൂരിപക്ഷം.

49,780 വോട്ടിന്‍റെ ഭൂരിപക്ഷം നേടിയ സിപിഎം സ്ഥാനാര്‍ത്ഥി ടിഐ മധുസൂദനന്‍ ആണ് മൂന്നാമത്. പയ്യന്നൂരില്‍ എം പ്രദീപ് കുമാറിനെയാണ് ടിഐ മധുസൂദനന്‍ തോല്‍പ്പിച്ചത്.

നാലാമത് എത്തിയത് കല്യാശേരിയുടെ യുവ എംഎല്‍എയായ എം വിജിന്‍ ആണ്. 44,393 വോട്ടുകള്‍ക്കാണ് കോണ്‍ഗ്രസ് സ്ഥാനാര്‍ത്ഥി ബ്രിജേഷ് കുമാറിനെ വിജിന്‍ പരാജയപ്പെടുത്തിയത്.

ചേലക്കരയില്‍ കെ രാധാകൃഷ്ണൻ 39,400 വോട്ടുകളുടെ ഭൂരിപക്ഷത്തിലാണ് വിജയിച്ചത്.

ഏലത്തൂരിൽ മത്സരിച്ച മന്ത്രി എ. കെ ശശീന്ദ്രന് ലഭിച്ചത് 38,502 വോട്ടുകളുടെ ഭൂരിപക്ഷമായിരുന്നു.

ഉടുമ്പൻചോലയിൽ എംഎം മണിക്ക് 38,305 വോട്ടുകളുടെ ഭൂരിപക്ഷം ലഭിച്ചു.