നിയമസഭാ തെരഞ്ഞെടുപ്പ്: കേരളം സുരക്ഷാ വലയത്തിൽ; 76,000 പൊലീസുകാർ സജ്ജം

സംസ്ഥാനത്തെ വോട്ടെടുപ്പ് സുഗമമാക്കാൻ 28,209 സ്പെഷ്യൽ ഓഫീസർമാർ ഉൾപ്പെടെ 76,203 പൊലീസ് ഉദ്യോഗസ്ഥരെ വിന്യസിച്ചു.

സംസ്ഥാനത്തുടനീളമുള്ള 30,471 ബൂത്തുകൾക്കും കാവലൊരുക്കാൻ പൊലീസിനെ പ്രത്യേക സോണുകളായി തിരിച്ചിട്ടുണ്ട്.

അതീവ ജാഗ്രത വേണ്ട 2,500 പ്രശ്നബാധിത ബൂത്തുകളിൽ കേന്ദ്ര സേനയുടെയും പ്രത്യേക യൂണിറ്റുകളുടെയും കനത്ത സുരക്ഷയുണ്ടാകും.

തെരഞ്ഞെടുപ്പ് ഡ്യൂട്ടിക്കായി 140 കമ്പനി കേന്ദ്ര സേനയും തമിഴ്‌നാട് പൊലീസിന്‍റെ 20 കമ്പനികളും കേരളത്തിലെത്തിയിട്ടുണ്ട്.

സുരക്ഷാ ഏകോപനത്തിനായി പൊലീസ് സ്റ്റേഷനുകളെ 154 സബ് ഡിവിഷനുകളായി തിരിച്ച് ജില്ലാ പൊലീസ് മേധാവികൾക്ക് ചുമതല നൽകി.

ഇന്ന് വൈകിട്ട് 6 മണിക്ക് പരസ്യപ്രചാരണം അവസാനിക്കുന്നതോടെ 48 മണിക്കൂർ നീളുന്ന നിശബ്‌ദ പ്രചാരണത്തിന് തുടക്കമാകും.