പോളിംഗിൽ റെക്കോർഡിട്ട് കേരളം; കുതിച്ച് കുന്നമംഗലം, കിതച്ച് റാന്നി!

കോഴിക്കോട് ജില്ലയിലെ കുന്നമംഗലം മണ്ഡലത്തിലാണ് ഇത്തവണ ഏറ്റവും ഉയർന്ന പോളിംഗ് രേഖപ്പെടുത്തിയത്; 84.83% പേർ ഇവിടെ വോട്ട് ചെയ്തു.

പാലക്കാട് ജില്ലയിലെ ചിറ്റൂരിൽ 84.63% വോട്ടും, ട്വന്റി 20-യുടെ സാന്നിധ്യമുള്ള കുന്നത്തുനാട് മണ്ഡലത്തിൽ 84.09% വോട്ടും രേഖപ്പെടുത്തി.

മന്ത്രി മുഹമ്മദ് റിയാസും പി.വി. അൻവറും ഏറ്റുമുട്ടിയ ബേപ്പൂരിൽ 83.77% പോളിംഗ് നടന്നപ്പോൾ, ബിജെപി പ്രതീക്ഷ വെക്കുന്ന പാലക്കാട് 82.33% വോട്ടുകൾ രേഖപ്പെടുത്തി.

പത്തനംതിട്ട ജില്ലയിലെ റാന്നിയിലാണ് സംസ്ഥാനത്തെ ഏറ്റവും കുറഞ്ഞ പോളിംഗ് 68.98% നടന്നത്. കടുത്തുരുത്തി, തിരുവല്ല എന്നിവയാണ് 70 ശതമാനത്തിൽ താഴെ പോളിംഗ് നടന്ന മറ്റ് മണ്ഡലങ്ങൾ.

കുന്നമംഗലം, ചിറ്റൂർ, കുന്നത്തുനാട്, ബേപ്പൂർ, അരൂർ, ഏറനാട്, മഞ്ചേരി, കൊണ്ടോട്ടി, ഇലത്തൂർ, പാലക്കാട് എന്നീ പത്ത് മണ്ഡലങ്ങളിൽ പോളിംഗ് 82 ശതമാനത്തിന് മുകളിലാണ്.

റെക്കോർഡ് പോളിംഗ് ആർക്ക് അനുകൂലമാകുമെന്ന ചർച്ചകൾക്കിടയിൽ, കേരളം ഇനി മെയ് 4-ലെ വോട്ടെണ്ണൽ ദിനത്തിനായുള്ള കാത്തിരിപ്പിലാണ്.