കൊതുകിനെ തുരത്താം

മഴക്കാലത്ത് കൊതുകിനെ തുരത്താൻ വീട്ടിൽ ചെയ്യേണ്ട ചില കാര്യങ്ങൾ.

വീടിന്റെ പരിസരങ്ങളിൽ വെള്ളം കെട്ടിനിൽക്കുന്ന സാഹചര്യം പൂർണമായും ഒഴിവാക്കണം. വെള്ളം കെട്ടിനിൽക്കുന്നത് കൊതുക് മുട്ടയിട്ട് പെരുകാൻ കാരണമാകും.

അതിരാവിലെയും വൈകുന്നേരങ്ങളിലും ജനാലകളും വാതിലുകളും അടച്ചിടാൻ ശ്രദ്ധിക്കണം. ഈ സമയങ്ങളിലാണ് കൊതുക് കൂടുതലായി കാണപ്പെടുന്നത്.

വൈകുന്നേരങ്ങളിൽ കർപ്പൂരം കത്തിച്ചുവെയ്ക്കുന്നതും കൊതുകിനെ തുരത്താൻ സഹായിക്കും. ഇതിന്റെ ശക്തമായ ഗന്ധത്തെ അതിജീവിക്കാൻ കൊതുകിന് സാധിക്കില്ല.

തുളസി, റോസ്‌മേരി, ലാവണ്ടർ തുടങ്ങിയ ചെടികൾ വീട്ടിൽ വളർത്തുന്നത് കൊതുകിനെ തുരത്താൻ സഹായിക്കും. കാരണം ഇതിന്റെ ശക്തമായ ഗന്ധത്തെ അതിജീവിക്കാൻ കൊതുകിന് കഴിയില്ല.

വീടിനുള്ളിൽ നല്ല വായുസഞ്ചാരം ഉണ്ടെങ്കിൽ കൊതുകുകൾ അധികം വീടിനുള്ളിൽ നിൽക്കില്ല. അതിനാൽ വീടിനുള്ളിൽ നല്ല വായുസഞ്ചാരം ഉണ്ടെന്ന് ഉറപ്പ് വരുത്തണം.

വേപ്പ്, ലാവണ്ടർ, പുതിന, സിട്രോണെല്ല തുടങ്ങിയ സുഗന്ധതൈലങ്ങൾ വെള്ളത്തിൽ ചേർത്ത് വീടിനുള്ളിൽ സ്പ്രേ ചെയ്യുന്നത് കൊതുകിനെ അകറ്റാൻ സഹായിക്കും.