സ്പോഞ്ച്

പാത്രം കഴുകുന്ന സ്പോഞ്ച് മൂന്ന് ആഴ്ചയിൽ കൂടുതൽ ഉപയോഗിക്കാൻ പാടില്ല. പഴയത് മാറ്റി പുതിയത് വാങ്ങാൻ ശ്രദ്ധിക്കണം. ഇതിൽ അഴുക്കും ഈർപ്പവും ഉണ്ടാവുകയും അണുക്കൾ വളരുകയും ചെയ്യുന്നു.

പാത്രം കഴുകാൻ ഉപയോഗിക്കുന്ന സ്‌ക്രബറുകൾ ഇടയ്ക്കിടെ മാറ്റുന്നത് നല്ലതായിരിക്കും. കൂടുതൽ നാൾ ഇത് ഉപയോഗിക്കുന്നത് ആരോഗ്യകരമല്ല.

നോൺസ്റ്റിക് പോട്ട്, പാൻ, അടുക്കള പാത്രങ്ങൾ എന്നിവ വർഷങ്ങളോളം ഉപയോഗിക്കുന്ന ശീലം ഒഴിവാക്കാം. കാലപ്പഴക്കം വരുന്നതിന് അനുസരിച്ച് ഇതിന് കേടുപാടുകൾ ഉണ്ടാവാൻ സാധ്യതയുണ്ട്.

രണ്ട് മാസം കൂടുമ്പോൾ പ്ലാസ്റ്റിക് കട്ടിങ് ബോർഡ് മാറ്റാൻ ശ്രദ്ധിക്കണം. ഇതിൽ ഭക്ഷണ സാധനങ്ങളുടെ കറ പറ്റിപ്പിടിക്കാനും അണുക്കൾ ഉണ്ടാവാനും കാരണമാകും.

പ്ലാസ്റ്റിക് പാത്രങ്ങൾ ദീർഘകാലം ഉപയോഗിക്കുന്നത് ആരോഗ്യത്തിന് നല്ലതല്ല. കറ പറ്റിപ്പിടിക്കുകയോ ദുർഗന്ധം വരുകയോ ചെയ്താൽ ഉടൻ മാറ്റാൻ ശ്രദ്ധിക്കണം.

അടുക്കള ടവലിൽ അഴുക്കും ഈർപ്പവും അണുക്കളും ഉണ്ടാവാനുള്ള സാധ്യത വളരെ കൂടുതലാണ്. ഒരു വർഷത്തിൽ കൂടുതൽ ഇവ ഉപയോഗിക്കരുത്.

തടികൊണ്ടുള്ള കട്ടിങ് ബോർഡ്, സ്പൂൺ, പാത്രങ്ങൾ എന്നിവയിൽ ഈർപ്പം പറ്റിപ്പിടിക്കാനും അണുക്കൾ വളരാനും കാരണമാകും. ഇത് ഇടയ്ക്കിടെ മാറ്റാൻ മറക്കരുത്.