സിസി പ്ലാന്റ്

ചെറിയ പരിചരണത്തോടെ ബാൽക്കണിയിൽ എളുപ്പം വളർത്താൻ സാധിക്കുന്ന ചെടിയാണ് സിസി പ്ലാന്റ്. ഗുണങ്ങൾ എന്തൊക്കെയാണെന്ന് അറിയാം.

സിസി പ്ലാന്റ് ഇൻഡോറായി വളർത്തുന്നതിന്റെ പ്രധാന കാരണങ്ങളിൽ ഒന്ന് വായുവിനെ ശുദ്ധീകരിക്കാൻ സാധിക്കുമെന്നതാണ്. ചെടിക്ക് അന്തരീക്ഷത്തിലെ മാലിന്യങ്ങളെ നീക്കം ചെയ്യാൻ കഴിയും

സിസി പ്ലാന്റിന് നേരിട്ടുള്ള പ്രകാശം ആവശ്യമില്ല. ചെറിയ വെളിച്ചത്തിലും നന്നായി വളരുന്ന ചെടിയാണിത്.

സിസി പ്ലാന്റ് വളർത്താൻ കൂടുതൽ സ്ഥലം ആവശ്യമായി വരുന്നില്ല. ചെറിയ സ്‌പേസിലും ഇത് നന്നായി വളരുന്നു.

വെള്ളവും വെളിച്ചവും ലഭിച്ചില്ലെങ്കിലും സിസി പ്ലാന്റ് പെട്ടെന്ന് കേടുവരില്ല. അതിനാൽ തന്നെ ധൈര്യമായി ബാൽക്കണിയിൽ വളർത്താം.

ചെറിയ പരിചരണത്തോടെ എളുപ്പം വളർത്താൻ സാധിക്കുന്ന ചെടിയാണിത്. എപ്പോഴും വെള്ളവും വളവും ഇടേണ്ടതില്ല.

ചെടി വളർന്നു കഴിഞ്ഞാൽ അതിൽ നിന്നും ചെറിയ തണ്ടുകൾ എടുത്ത് പുതിയ ചെടിയായി എളുപ്പം വളർത്താൻ സാധിക്കും.

സിസി പ്ലാന്റിന് എപ്പോഴും വെള്ളമൊഴിക്കേണ്ടി വരുന്നില്ല. വെള്ളം ഇല്ലാതെയും ദിവസങ്ങളോളം ചെടി അതിജീവിക്കും.