ഫിഡിൽ ലീഫ് ഫിഗ്

വീട് മനോഹരമാക്കാൻ വേണ്ടിയാണ് നമ്മൾ ഇൻഡോർ ചെടികൾ വളർത്തുന്നത്. ഫിഡിൽ ലീഫ് ഫിഗ് ഇൻഡോറായി വളർത്തുന്നതിന്റെ ഗുണങ്ങൾ ഇതാണ്.

ഉയർന്ന് വളരുന്ന ചെടിയാണ് ഫിഡിൽ ലീഫ് ഫിഗ്. ഇത് വീടിന്റെ ഇന്റീരിയറിനെ കൂടുതൽ മനോഹരമാക്കുന്നു.

സാധാരണ ഇൻഡോർ ചെടികളെപോലെ തന്നെ വായുവിനെ ശുദ്ധീകരിക്കാൻ ഫിഡിൽ ലീഫ് ഫിഗിനും സാധിക്കും. ഇത് അന്തരീക്ഷത്തിലെ വിഷാംശത്തെ ഇല്ലാതാക്കുന്നു.

വീടിനുള്ളിൽ പച്ചപ്പ് നിറയ്ക്കാൻ ഈ ചെടിക്ക് കഴിയും. ഇത് സമ്മർദ്ദം കുറയ്ക്കാൻ സഹായിക്കുന്നു.

ഈർപ്പത്തെ പുറത്തുവിടാൻ ഫിഡിൽ ലീഫ് ഫിഗിന് സാധിക്കും. അതിനാൽ തന്നെ വീടിനുള്ളിൽ എപ്പോഴും ഈർപ്പം നിലനിൽക്കുന്നു.

ഫിഡിൽ ലീഫ് ഫിഗ് വളർത്തുന്നതുകൊണ്ട് നിങ്ങൾക്ക് അലർജിപോലുള്ള പ്രശ്നങ്ങൾ ഉണ്ടാവുകയില്ല. കാരണം ചെടിയിൽ നിന്നും ചെറിയ അളവിൽ മാത്രമാണ് പൂമ്പൊടി പുറത്തുവിടുന്നത്.

വീടിനെ ഡെക്കർ ചെയ്യാൻ ഫിഡിൽ ലീഫ് ഫിഗ് വളർത്തുന്നത് നല്ലതാണ്. ഒന്നിൽകൂടുതൽ ചെടി വീടിനുള്ളിൽ വളർത്താവുന്നതാണ്.

ശരിയായ രീതിയിൽ പരിചരണം നൽകിയാൽ ചെടി നന്നായി വളരും. ആവശ്യമായ വെള്ളവും പ്രകാശവും ചെടിക്ക് ലഭ്യമാകുന്നുണ്ടെന്ന് ഉറപ്പ് വരുത്തണം.