സിസി പ്ലാന്റ്

പെട്ടെന്ന് വളരുന്ന ഇൻഡോർ ചെടിയാണ് സിസി പ്ലാന്റ്. മഴക്കാലത്ത് ഇത് വളർത്തുമ്പോൾ നിർബന്ധമായും അറിഞ്ഞിരിക്കേണ്ട കാര്യങ്ങൾ എന്തൊക്കെയാണെന്ന് അറിയാം.

നേരിട്ടല്ലാത്ത സൂര്യപ്രകാശമാണ് സിസി പ്ലാന്റിന് ആവശ്യം. നേരിട്ട് സൂര്യപ്രകാശമേൽക്കുന്ന രീതിയിൽ ചെടി വളർത്തരുത്. ഇത് ചെടി നശിക്കാൻ കാരണമാകുന്നു.

വെള്ളമില്ലെങ്കിലും വളരുന്ന ചെടിയാണ് സിസി പ്ലാന്റ്. അതിനാൽ തന്നെ അമിതമായി ചെടിക്ക് വെള്ളമൊഴിക്കുന്നത് ഒഴിവാക്കാം. ഇത് വേരുകൾ നശിക്കാൻ കാരണമാകുന്നു.

നല്ല നീർവാർച്ചയും പോഷക ഗുണവുമുള്ള മണ്ണിലാണ് സിസി പ്ലാന്റ് വളർത്തേണ്ടത്.

ചെടിക്ക് എപ്പോഴും ഈർപ്പം ആവശ്യമില്ല. ഈർപ്പം ഇല്ലാതെയും ഇത് നന്നായി വളരുന്നു. അതിനാൽ തന്നെ മഴക്കാലത്ത് സിസി പ്ലാന്റ് വളർത്തുമ്പോൾ ശ്രദ്ധിക്കണം.

അധികം തണുപ്പും ചൂടുമില്ലാത്ത സ്ഥലത്താവണം സിസി പ്ലാന്റ് വളർത്തേണ്ടത്.

വളമിട്ടാൽ മാത്രമേ ചെടി നന്നായി വളരുകയുള്ളു. ദ്രാവക വളമാണ് സിസി പ്ലാന്റിന് ആവശ്യം.

വളരുന്നതിന് അനുസരിച്ച് ചെടി വെട്ടിവിടാൻ ശ്രദ്ധിക്കണം. കേടുവന്ന ഇലകൾ ഒഴിവാക്കാം.

ഈർപ്പമുള്ള തുണി ഉപയോഗിച്ച് ചെടി നന്നായി തുടച്ച് വൃത്തിയാക്കാൻ ശ്രദ്ധിക്കണം. കാരണം ഇതിൽ ധാരാളം പൊടിപടലങ്ങൾ ഉണ്ടാവാൻ സാധ്യതയുണ്ട്.