ഫ്രിഡ്ജ് വൃത്തിയാക്കാം

ഫ്രിഡ്ജ് നന്നായി കഴുകി വൃത്തിയാക്കിയില്ലെങ്കിൽ എളുപ്പത്തിൽ അഴുക്കും അണുക്കളും ദുർഗന്ധവും ഉണ്ടാവുന്നു. വൃത്തിയാക്കുമ്പോൾ ശ്രദ്ധിക്കേണ്ട കാര്യങ്ങൾ ഇതാണ്.

ഫ്രിഡ്ജ് വൃത്തിയാക്കാൻ കഠിനമായ ക്ലീനറുകൾ ഉപയോഗിക്കുന്നത് ഒഴിവാക്കണം. ഇത് ഫ്രിഡ്ജിന് കേടുപാടുകൾ ഉണ്ടാവാൻ കാരണമാകുന്നു.

ഫ്രിഡ്ജ് വൃത്തിയാക്കാൻ ഉപയോഗിക്കുന്ന ക്ലീനർ ടെസ്റ്റ് ചെയ്തതിന് ശേഷം മാത്രം ഉപയോഗിക്കാൻ ശ്രദ്ധിക്കണം.

മൂന്ന് മാസം കൂടുമ്പോൾ ഫ്രിഡ്ജ് നന്നായി വൃത്തിയാക്കാൻ ശ്രദ്ധിക്കണം. അതേസമയം അഴുക്കുണ്ടെങ്കിൽ അപ്പോൾ തന്നെ വൃത്തിയാക്കാൻ മറക്കരുത്.

ക്ലീനർ, സ്പോഞ്ച്, മൈക്രോഫൈബർ തുണി, ബ്രഷ് തുടങ്ങിയവ ഉപയോഗിച്ച് ഫ്രിഡ്ജ് എളുപ്പത്തിൽ വൃത്തിയാക്കാവുന്നതാണ്.

പഴകിയ ഭക്ഷണ സാധനങ്ങൾ ഫ്രിഡ്ജിനുള്ളിൽ സൂക്ഷിക്കുന്നത് ഒഴിവാക്കണം. ഇത് ഫ്രിഡ്ജിൽ ദുർഗന്ധം ഉണ്ടാവാൻ കാരണമാകുന്നു.

ഫ്രഡ്ജിന്റെ എല്ലാ ഭാഗങ്ങളും ഇളക്കി മാറ്റി വൃത്തിയാക്കാൻ പ്രത്യേകം ശ്രദ്ധിക്കണം. ഇടുങ്ങിയ ഭാഗങ്ങളിൽ അഴുക്ക് ഉണ്ടാവാം.

വൃത്തിയാക്കിയതിന് ശേഷം ടവൽ ഉപയോഗിച്ച് നന്നായി തുടയ്ക്കാൻ മറക്കരുത്. ഈർപ്പം തങ്ങി നിൽക്കുന്നത് ഒഴിവാക്കണം.