റോസ് വളർത്താം

റോസാച്ചെടികൾ ഇഷ്ടമില്ലാത്തവരായി ആരും ഉണ്ടാവില്ല. വീട്ടിൽ റോസ് വളർത്തുമ്പോൾ നിർബന്ധമായും ശ്രദ്ധിക്കേണ്ട കാര്യങ്ങൾ ഇതാണ്.

6 മുതൽ 8 മണിക്കൂർ വരെ സൂര്യപ്രകാശം റോസാച്ചെടികൾക്ക് ആവശ്യമാണ്. രാവിലെയുള്ള സൂര്യപ്രകാശമാണ് വേണ്ടത്. ഇത് ചെടിയിൽ ഫങ്കൽ ഉണ്ടാവുന്നതിനെ തടയുന്നു.

നല്ല നീർവാർച്ചയും പോഷക ഗുണവുമുള്ള മണ്ണിലാണ് റോസാച്ചെടി വളർത്തേണ്ടത്.

ആഴ്ച്ചയിൽ ഒന്നോ രണ്ടോ തവണ ചെടിക്ക് നന്നായി വെള്ളമൊഴിക്കാൻ ശ്രദ്ധിക്കണം. അതേസമയം അമിതമായി വെള്ളമൊഴിക്കുന്നത് ഒഴിവാക്കാം. ഇത് ചെടി നശിക്കാൻ കാരണമാകുന്നു.

അമിതമായി ചൂടും തണുപ്പും ഇല്ലാത്ത സ്ഥലത്താവണം റോസാച്ചെടി വളർത്തേണ്ടത്. അതേസമയം ചെടിയിൽ എപ്പോഴും ഈർപ്പം ഉണ്ടെന്ന് ഉറപ്പ് വരുത്തേണ്ടതുണ്ട്.

ചെടികൾ അടുപ്പിച്ച് വളർത്തുന്നത് ഒഴിവാക്കണം. നല്ല രീതിയിൽ വായുസഞ്ചാരം ഇല്ലെങ്കിൽ ചെടി നശിച്ചുപോകുന്നു.

വളരുന്നതിന് അനുസരിച്ച് ചെടി വെട്ടിവിടാൻ ശ്രദ്ധിക്കണം. കേടുവന്നതും പഴുത്തതുമായ ഇലകൾ ഒഴിവാക്കാം.

റോസാച്ചെടികൾക്ക് വളം ആവശ്യമാണ്. കൃത്യമായ ഇടവേളകളിൽ ചെടിക്ക് വളമിട്ടുകൊടുക്കണം.