ലക്കി ബാംബൂ

ചെറിയ പരിചരണത്തോടെ എളുപ്പം വളർത്താൻ സാധിക്കുന്ന ചെടിയാണ് ലക്കി ബാംബൂ. എന്നാൽ ഈ അബദ്ധങ്ങൾ ഒഴിവാക്കണം.

ഈർപ്പം ഇഷ്ടമാണെങ്കിലും അമിതമായി വെള്ളമൊഴിക്കുന്നത് ചെടി നശിച്ചുപോകാൻ കാരണമാകുന്നു.

ഫിൽറ്റർ ചെയ്യാത്ത പൈപ്പ് വെള്ളം ഒരിക്കലും ചെടിക്ക് ഒഴിക്കരുത്. ഇതിൽ ക്ലോറിൻ പോലുള്ള രാസവസ്തുക്കൾ അടങ്ങിയിട്ടുണ്ട്. ഇത് വേരുകൾ നശിച്ചുപോകാൻ കാരണമാകുന്നു.

വെളിച്ചം ആവശ്യമാണെങ്കിലും നേരിട്ടുള്ള സൂര്യപ്രകാശം ചെടിക്ക് വേണ്ടതില്ല. ഇത് ചെടി പെട്ടെന്ന് നശിച്ചുപോകാൻ കാരണമാകുന്നു.

ലക്കി ബാംബൂ വെള്ളത്തിൽ വളർത്തുമ്പോൾ ആൽഗെ, അണുക്കൾ, ഫങ്കൽ എന്നിവ ഉണ്ടാവാൻ സാധ്യതയുണ്ട്. അതിനാൽ തന്നെ ഇടയ്ക്കിടെ കണ്ടെയ്നർ വൃത്തിയാക്കാൻ മറക്കരുത്.

വെള്ളത്തിലാണെങ്കിലും മണ്ണിലാണെങ്കിലും ചെടികൾ വളർത്തുമ്പോൾ ഡ്രെയിനേജ് അത്യാവശ്യമാണ്. ഇതില്ലാതെ വരുമ്പോൾ വേരുകൾ എളുപ്പം നശിച്ചുപോകുന്നു.

സമയമെടുത്ത് വളരുന്ന ചെടിയാണ് ലക്കി ബാംബൂ. അതിനാൽ തന്നെ അമിതമായി വളം ഉപയോഗിക്കുന്നത് ഒഴിവാക്കണം.

ചൂടുള്ള കാലാവസ്ഥയിലാണ് ലക്കി ബാംബൂ വളരുന്നത്. പെട്ടെന്നുണ്ടാകുന്ന കാലാവസ്ഥയിലെ മാറ്റങ്ങൾ ചെടി നശിച്ചുപോകാൻ കാരണമാകും.