സിസി പ്ലാന്റ്

പലനിറത്തിലും ആകൃതിയിലുമൊക്കെ ചെടികൾ ഇന്ന് ലഭ്യമാണ്. വീട്ടിൽ സിസി പ്ലാന്റ് വളർത്തുമ്പോൾ പ്രധാനമായും അറിഞ്ഞിരിക്കേണ്ട കാര്യങ്ങൾ ഇതാണ്.

സിസി പ്ലാന്റിന് കൂടുതൽ വെളിച്ചം ആവശ്യമായി വരുന്നില്ല. ചെറിയ പ്രകാശത്തിലും ഇത് നന്നായി വളരും. അതിനാൽ തന്നെ സൂര്യപ്രകാശം നേരിട്ടടിക്കുന്ന സ്ഥലങ്ങളിൽ ഇത് വളർത്തരുത്.

നല്ല നീർവാർച്ചയുള്ള മണ്ണാണ് സിസി പ്ലാന്റിന് ആവശ്യം. ഇല്ലെങ്കിൽ വേരുകൾ പെട്ടെന്ന് നശിച്ചുപോകാൻ സാധ്യതയുണ്ട്.

അമിതമായി സിസി പ്ലാന്റിന് വെള്ളമൊഴിക്കേണ്ടി വരുന്നില്ല. മണ്ണ് വരണ്ട് തുടങ്ങുമ്പോൾ മാത്രം ചെടിക്ക് വെള്ളമൊഴിച്ചാൽ മതി.

അമിതമായ ചൂടോ തണുപ്പോ സിസി പ്ലാന്റിന് അതിജീവിക്കാൻ സാധിക്കില്ല. അതിനാൽ തന്നെ അധികം തണുപ്പും ചൂട് ഇല്ലാത്ത സ്ഥലങ്ങളിൽ ഇത് വളർത്താവുന്നതാണ്.

സിസി പ്ലാന്റിന് വളത്തിന്റെ ആവശ്യം വരുന്നില്ല. എന്നിരുന്നാലും ചെടി വളരുന്ന സമയത്ത് ഒന്നോ രണ്ടോ തവണ ദ്രാവക വളം ഉപയോഗിക്കുന്നത് നല്ലതായിരിക്കും.

വളരുന്നതിന് അനുസരിച്ച് ചെടി വെട്ടിവിടാൻ ശ്രദ്ധിക്കണം. ഇത് പുതിയ ഇലകളും തണ്ടും വരാൻ സഹായിക്കുന്നു.

ശരിയായ രീതിയിൽ വെളിച്ചവും വെള്ളവും ലഭിച്ചാൽ മാത്രമേ സിസി പ്ലാന്റ് നന്നായി വളരുകയുള്ളൂ.