പീസ് ലില്ലി

മനോഹരമായ ചെടികളിൽ ഒന്നാണ് പീസ് ലില്ലി. വീടിനുള്ളിൽ പീസ് ലില്ലി വളർത്തുമ്പോൾ ഈ അബദ്ധങ്ങൾ ഒഴിവാക്കണം.

ചെടി വളരണമെങ്കിൽ അതിന് ആവശ്യമായ വെള്ളം ഒഴിക്കേണ്ടതുണ്ട്. ഇലകൾ മഞ്ഞ നിറത്തിലാവുകയും കേടുവരുകയും ചെയ്യുന്നുണ്ടെങ്കിൽ ഇക്കാര്യം ശ്രദ്ധിക്കാം.

ചെടിക്ക് വളരാൻ വെള്ളം ആവശ്യമാണെങ്കിലും അമിതമായി വെള്ളമൊഴിക്കേണ്ടതില്ല. വെള്ളം തങ്ങി നിൽക്കുന്നത് ചെടി കേടുവരാൻ കാരണമാകുന്നു.

പൈപ്പ് വെള്ളത്തിൽ ക്ലോറിൻ പോലുള്ള രാസവസ്തുക്കൾ അടങ്ങിയിട്ടുണ്ട്. ഈ വെള്ളം ഉപയോഗിക്കുന്നത് ചെടിക്ക് നല്ലതല്ല. ഇത് ചെടി നശിക്കാൻ കാരണമാകുന്നു.

കൃത്യമായ ഡ്രെയിനേജ് ഇല്ലെങ്കിൽ ചെടിയിൽ വെള്ളം തങ്ങി നിൽക്കുകയും വേരുകൾ നശിക്കാനും കാരണമാകുന്നു. ഇത് ചെടിയുടെ വളർച്ചയെ ബാധിക്കും.

പീസ് ലില്ലി ചെടിക്ക് ഈർപ്പം ആവശ്യമാണ്. ഈർപ്പം ഇല്ലാതെ വരുമ്പോൾ ചെടി പെട്ടെന്ന് നശിച്ചുപോകുന്നു.

പീസ് ലില്ലി ചെടിക്ക് അമിതമായി വളമിടുന്നത് ഒഴിവാക്കണം. ഇത് ചെടി പെട്ടെന്നു കേടുവരാൻ കാരണമാകുന്നു.

ചെടിക്ക് സൂര്യപ്രകാശം ആവശ്യമാണെങ്കിലും നേരിട്ടേൽക്കുന്നത് ചെടി നശിക്കാൻ കാരണമാകുന്നു. അതിനാൽ തന്നെ നേരിട്ട് പ്രകാശമേൽക്കാത്ത സ്ഥലത്താവണം പീസ് ലില്ലി വളർത്തേണ്ടത്.