ഇൻഡോർ ചെടികൾ

വീടിനുള്ളിൽ ചെടികൾ വളർത്തുന്നതുകൊണ്ട് നിരവധി ഉപയോഗങ്ങളുണ്ട്. എന്നാൽ ഇൻഡോർ ചെടികൾ വളർത്തുമ്പോൾ ഇക്കാര്യങ്ങൾ നിങ്ങൾ അറിഞ്ഞിരിക്കണം.

ശക്തമായ സുഗന്ധമുള്ള ചെടികൾ വീടിനുള്ളിൽ വളർത്തുന്നത് ഒഴിവാക്കാം. സ്പൈഡർ പ്ലാന്റ്, സ്‌നേക് പ്ലാന്റ് തുടങ്ങിയ ചെടികൾ വളർത്തുന്നതാണ് നല്ലത്.

വീടിനുള്ളിൽ നല്ല വായുസഞ്ചാരമുള്ള സ്ഥലത്താവണം ഇൻഡോർ ചെടികൾ വളർത്തേണ്ടത്. ആവശ്യമെങ്കിൽ എക്സ്ഹോസ്റ്റ് ഫാൻ ഉപയോഗിക്കാവുന്നതാണ്.

ഇൻഡോർ ചെടികൾക്ക് അമിതമായി വെള്ളമൊഴിക്കുന്നത് ഒഴിവാക്കണം. ഇത് ചെടിയിൽ ഫങ്കൽ ഉണ്ടാവാൻ കാരണമാകുന്നു.

ഇലകളിൽ പൊടിപടലങ്ങളും അഴുക്കും അടിഞ്ഞുകൂടാനുള്ള സാധ്യത വളരെ കൂടുതലാണ്. അതിനാൽ ഇടയ്ക്കിടെ ചെടി തുടയ്ക്കുന്നത് നല്ലതായിരിക്കും.

കിടപ്പുമുറികളിൽ സുഗന്ധം പരത്തുന്നതും കൂടുതൽ പരിചരണം ആവശ്യമുള്ളതുമായ ചെടികൾ വളർത്തരുത്.

അമിതമായി ഈർപ്പം പുറത്തുവിടുന്ന ചെടികൾ വീടിനുള്ളിൽ വളർത്തുന്നത് ഒഴിവാക്കണം.

ഭംഗികണ്ട് മാത്രം ചെടികൾ വാങ്ങരുത്. ഓരോ ചെടിയുടേയും സ്വഭാവ സവിശേഷതകൾ മനസിലാക്കിയാവണം ചെടികൾ വളർത്തേണ്ടത്.