ഇൻഡോർ ചെടികൾ

വീടിനുള്ളിൽ ഇൻഡോർ ചെടികൾ വളർത്തുന്നതുകൊണ്ട് പലതരം ഉപയോഗങ്ങളാണ് ഉള്ളത്. വീടിനുള്ളിലെ ഓക്സിജൻ അളവ് കൂട്ടാൻ ഈ ചെടികൾ വളർത്തൂ.

വളരെ മനോഹരമായ പൂച്ചെടിയാണ് പീസ് ലില്ലി. ഇതിന് അന്തരീക്ഷത്തിലെ മാലിന്യങ്ങളെ നീക്കം ചെയ്യാനും ഓക്സിജൻ പുറത്തുവിടാനും സാധിക്കും.

സ്‌നേക് പ്ലാന്റിന് രാത്രിയിൽ ഓക്സിജൻ പുറത്തുവിടാൻ സാധിക്കും. ഇത് കിടപ്പുമുറിയിൽ വളർത്തുന്നത് നല്ല ഉറക്കം ലഭിക്കാൻ സഹായിക്കുന്നു.

വായുവിനെ ശുദ്ധീകരിക്കാനും വീടിനുള്ളിലെ ഓക്സിജന്റെ അളവ് കൂട്ടാനും കറ്റാർവാഴ ചെടി വളർത്തുന്നത് നല്ലതാണ്. ചെടിക്ക് കൂടുതൽ പരിചരണം ആവശ്യമായി വരുന്നില്ല.

ചെറിയ പരിചരണത്തോടെ വളരെ എളുപ്പം വളർത്താൻ സാധിക്കുന്ന ചെടിയാണ് സ്പൈഡർ പ്ലാന്റ്. രാത്രി സമയങ്ങളിൽ ചെടി ഓക്സിജൻ പുറത്തുവിടുന്നു.

വായുവിനെ ശുദ്ധീകരിക്കാൻ വീട്ടിൽ അരേക്ക പാം ചെടി വളർത്തുന്നത് നല്ലതാണ്. ഇത് ഓക്സിജൻ പുറത്തുവിടുക മാത്രമല്ല വീടിനുള്ളിൽ ഈർപ്പം നിലനിർത്താനും സഹായിക്കുന്നു.

ചെറിയ പരിചരണത്തോടെ വീട്ടിൽ എളുപ്പം വളർത്താൻ സാധിക്കുന്ന ചെടിയാണ് മണി പ്ലാന്റ്. ഇതിന് വായുവിനെ ശുദ്ധീകരിക്കാനും സാധിക്കും.

വീടിനുള്ളിലെ ഓക്സിജന്റെ അളവ് കൂട്ടാൻ ബാംബൂ പാം വളർത്തുന്നത് നല്ലതാണ്. ചെടിക്ക് വായുവിനെ ശുദ്ധീകരിക്കാൻ സാധിക്കും.