സ്പൈഡർ പ്ലാന്റ്

ഓരോ ചെടിക്കും അതിന്റേതായ സ്വഭാവ ഗുണങ്ങളുണ്ട്. വീട്ടിൽ സ്പൈഡർ പ്ലാന്റ് വളർത്തുന്നതിന്റെ ഗുണങ്ങൾ എന്തൊക്കെയാണെന്ന് അറിയാം.

നീളമുള്ളതും പച്ചയും മഞ്ഞയും കലർന്ന ഇലകളാണ് സ്പൈഡർ പ്ലാന്റിനുള്ളത്. ഇത് വീടിന് അലങ്കാരമായി ഉപയോഗിക്കാൻ സാധിക്കും. ഹാങ്ങിങ് പോട്ടിലും ഇത് വളർത്താവുന്നതാണ്.

തുടക്കക്കാർക്ക് എളുപ്പം വളർത്താൻ സാധിക്കുന്ന ചെടിയാണ് സ്പൈഡർ പ്ലാന്റ്. ചെറിയ വെളിച്ചവും കുറച്ച് വെള്ളവും മാത്രമാണ് ചെടിക്ക് ആവശ്യം.

സ്പൈഡർ പ്ലാന്റിന്റെ ചെറിയ തണ്ടിൽ നിന്നും പുതിയ ചെടി വളർത്തിയെടുക്കാൻ സാധിക്കും. അതിനാൽ തന്നെ ഒന്നിൽകൂടുതൽ ചെടികൾ വീട്ടിൽ എളുപ്പം വളർത്താനാകും.

സ്പൈഡർ പ്ലാന്റ് മനുഷ്യർക്കോ മൃഗങ്ങൾക്കോ ദോഷമുണ്ടാക്കുന്നില്ല. അതിനാൽ തന്നെ ഇത് ഇൻഡോറായി വളർത്തുന്നത് സുരക്ഷിതമാണ്.

അന്തരീക്ഷത്തിലെ മാലിന്യങ്ങളെ നീക്കം ചെയ്ത് വായുവിനെ ശുദ്ധീകരിക്കാൻ സ്പൈഡർ പ്ലാന്റിന് സാധിക്കും.

ശുദ്ധമായ വായു ലഭിക്കാനും, നല്ല ഉറക്കം കിട്ടാനും, സമ്മർദ്ദം കുറയ്ക്കാനുമെല്ലാം വീട്ടിൽ സ്പൈഡർ പ്ലാന്റ് വളർത്തുന്നത് നല്ലതാണ്.

വീടിനുള്ളിൽ മാത്രമല്ല പുറത്തും സ്പൈഡർ പ്ലാന്റ് വളരും. ചെറിയ പരിചരണം മാത്രമാണ് ചെടിക്ക് ആവശ്യം.