സ്പൈഡർ പ്ലാന്റ്

ചെറിയ പരിചരണത്തോടെ വീട്ടിൽ എളുപ്പം വളർത്താൻ സാധിക്കുന്ന ചെടിയാണ് സ്പൈഡർ പ്ലാന്റ്. ഇത് കിടപ്പുമുറിയിൽ വളർത്തുന്നതിന്റെ ഗുണങ്ങൾ അറിയാം.

കിടപ്പുമുറിയിൽ ചെടികൾ വളർത്തുന്നത് സമ്മർദ്ദം കുറയ്ക്കാൻ സഹായിക്കുന്നു. ഇത് മുറിക്കുള്ളിൽ ശാന്തമായ അന്തരീക്ഷം നൽകുന്നു.

വായുവിനെ ശുദ്ധീകരിക്കാൻ സ്പൈഡർ പ്ലാന്റിന് സാധിക്കും. ഇത് അന്തരീക്ഷത്തിലെ മാലിന്യങ്ങളെ നീക്കം ചെയ്യുകയും ശുദ്ധവായു നൽകുകയും ചെയ്യുന്നു.

സ്പൈഡർ പ്ലാന്റ് പകൽ സമയങ്ങളിലും രാത്രിയിലും ഓക്സിജനെ പുറത്തുവിടുന്നു. ഇത് മുറിക്കുള്ളിൽ ശുദ്ധവായു ലഭിക്കാൻ സഹായിക്കും.

സ്പൈഡർ പ്ലാന്റ് ഈർപ്പത്തെ പുറത്തുവിടുന്നു. അതിനാൽ തന്നെ മുറിക്കുള്ളിൽ എപ്പോഴും ഈർപ്പം നിലനിൽക്കുന്നു. ഇത് മുറിക്കുള്ളിൽ വരണ്ട അന്തരീക്ഷം ഉണ്ടാവുന്നതിനെ തടയുന്നു.

വായുവിനെ ശുദ്ധീകരിക്കാനും, സമ്മർദ്ദം കുറയ്ക്കാനും, ഓക്സിജന്റെ അളവ് കൂട്ടാനും സ്പൈഡർ പ്ലാന്റിന് സാധിക്കും. ഇത് നിങ്ങൾക്ക് നല്ല ഉറക്കം ലഭിക്കാൻ സഹായിക്കുന്നു.

ചെറിയ പരിചരണത്തോടെ എളുപ്പം വളർത്താൻ സാധിക്കുന്ന ചെടിയാണ് സ്പൈഡർ പ്ലാന്റ്. ചെടിക്ക് എപ്പോഴും വെള്ളമൊഴിക്കേണ്ടതില്ല. നേരിട്ടല്ലാത്ത പ്രകാശമാണ് ചെടിക്ക് ആവശ്യം.

സ്പൈഡർ പ്ലാന്റ് സുരക്ഷിതമായി കിടപ്പുമുറിയിൽ വളർത്താൻ സാധിക്കും. മനുഷ്യർക്കോ മൃഗങ്ങൾക്കോ ഇത് ദോഷമുണ്ടാക്കുന്നില്ല.

കിടപ്പുമുറിയിൽ സ്പൈഡർ പ്ലാന്റ് വളർത്തുന്നത് മുറിക്ക് കൂടുതൽ ഭംഗി നൽകുന്നു. പച്ചയും മഞ്ഞയും കലർന്ന ഇലകളാണ് ചെടിക്കുള്ളത്.