റൂം ഹീറ്റർ

വീട്ടിൽ റൂം ഹീറ്റർ ഉപയോഗിക്കുമ്പോൾ ചില കാര്യങ്ങൾ ശ്രദ്ധിക്കേണ്ടതുണ്ട്. ഇല്ലെങ്കിൽ ഉപകരണത്തിന് കേടുപാടുകൾ ഉണ്ടാവാനും അപകടങ്ങൾ സംഭവിക്കാനും കാരണമാകുന്നു.

ഈർപ്പത്തിന്റെ അളവ് കുറയുന്നതിന് അനുസരിച്ച് മുറിക്കുള്ളിൽ വരണ്ട അന്തരീക്ഷം ഉണ്ടാവാൻ സാധ്യത കൂടുതലാണ്. ഇത് ചർമ്മം വരണ്ട് പോകാൻ കാരണമാകുന്നു.

ആസ്മ പോലുള്ള രോഗങ്ങൾ ഉള്ളവർ മുറിയിൽ ഹീറ്റർ ഉപയോഗിക്കുമ്പോൾ പ്രത്യേകം ശ്രദ്ധിക്കണം. ഇത് ശ്വാസ തടസ്സങ്ങൾ, ചുമ എന്നിവയ്ക്ക് കാരണമാകുന്നു.

റൂം ഹീറ്റർ ഉപയോഗിക്കുമ്പോൾ പൊടിപടലങ്ങൾ മുറിക്കുള്ളിൽ തങ്ങി നിൽക്കുകയും അലർജി ഉണ്ടാവാനും ഇത് കാരണമാകുന്നു.

ചില സമയങ്ങളിൽ റൂം ഹീറ്ററിൽ നിന്നും കാർബൺ മോണോക്സൈഡ് പോലുള്ള വിഷവാതകങ്ങൾ പുറന്തള്ളാൻ സാധ്യതയുണ്ട്. അതിനാൽ തന്നെ മുറിക്കുള്ളിൽ വായുസഞ്ചാരം ഉണ്ടെന്ന് ഉറപ്പ് വരുത്തണം.

ശരിയായ രീതിയിൽ പ്രവർത്തിപ്പിക്കാതിരിക്കുന്നത്, വയറിങ്ങിൽ ഉണ്ടാകുന്ന അപാകതകൾ എന്നിവ തീപിടുത്ത സാധ്യത കൂട്ടുന്നു.

ഒരു നിശ്ചിതമായ അകലത്തിലാവണം റൂം ഹീറ്റർ വെയ്‌ക്കേണ്ടത്. കർട്ടൻ, ഫർണിച്ചർ, പേപ്പർ തുടങ്ങിയവ ഹീറ്ററിനടുത്ത് സൂക്ഷിക്കരുത്.

ഈർപ്പം തങ്ങി നിൽക്കുന്ന സ്ഥലങ്ങളിൽ ഒരിക്കലും റൂം ഹീറ്റർ വയ്ക്കരുത്. ഇത് ഉപകരണത്തിന് കേടുപാടുകൾ ഉണ്ടാവാനും അപകടങ്ങൾ സംഭവിക്കാനും കാരണമാകുന്നു.