വായു മലിനീകരണം

പുറത്ത് മാത്രമല്ല വീടിനുള്ളിലും വായു മലിനീകരണം ഉണ്ടാകാറുണ്ട്. വായു മലിനീകരണത്തെ തടയാൻ ഇക്കാര്യങ്ങൾ ശ്രദ്ധിക്കാം.

പീസ് ലില്ലി, സ്‌നേക് പ്ലാന്റ്, സ്പൈഡർ പ്ലാന്റ് തുടങ്ങിയ ചെടികൾ വളർത്തുന്നത് വീടിനുള്ളിൽ ശുദ്ധവായു ലഭിക്കാൻ സഹായിക്കുന്നു.

ജനാലകളും വാതിലും ഇടയ്ക്കിടെ തുറന്നിടാൻ ശ്രദ്ധിക്കണം. ഇത് വീടിനുള്ളിൽ വായു തങ്ങി നിൽക്കുന്നതിനെ തടയുന്നു.

പാചകം ചെയ്യുന്നതുകൊണ്ട് തന്നെ അടുക്കളയിൽ പുകയും പൊടിപടലങ്ങളും ഉണ്ടാവാൻ സാധ്യതയുണ്ട്. അതിനാൽ തന്നെ അടുക്കളയിൽ വായു സഞ്ചാരം ഉണ്ടാവണം.

വീട്ടിൽ രാസവസ്തുക്കൾ അടങ്ങിയ ക്ലീനറുകളും മറ്റു വസ്തുക്കളും ഉപയോഗിക്കുന്നത് കുറയ്ക്കാം. ഇത് വായുവിനെ മലിനപ്പെടുത്താൻ സാധ്യത കൂടുതലാണ്.

പൊടിപടലങ്ങൾ, അഴുക്ക്, അണുക്കൾ എന്നിവ വീടിനുള്ളിൽ തങ്ങി നിൽക്കുന്നു. അതിനാൽ തന്നെ ഇടയ്ക്കിടെ വീട് വൃത്തിയാക്കാൻ ശ്രദ്ധിക്കണം.

ഈർപ്പം തങ്ങി നിൽക്കുമ്പോൾ വീടിനുള്ളിൽ പൂപ്പലും അണുക്കളും പൊടിപടലങ്ങളും ഉണ്ടാവാൻ സാധ്യതയുണ്ട്.

വീടിനുള്ളിലെ വായുമലിനീകരണം തടയാൻ എയർ ഫിൽറ്റർ ഉപയോഗിക്കുന്നത് നല്ലതായിരിക്കും. ഇത് ശുദ്ധവായു ലഭിക്കാൻ സഹായിക്കുന്നു.