പാറ്റ ശല്യം

വീട്ടിൽ സ്ഥിരമായി വരുന്ന ജീവിയാണ് പാറ്റ. ഇവ ഒളിച്ചിരിക്കാറുള്ള സ്ഥലങ്ങൾ ഏതൊക്കെയാണെന്ന് അറിയാം.

മൈക്രോവേവ്, ഓവൻ, ഫ്രിഡ്ജ്, ടോസ്‌റ്റർ തുടങ്ങിയ അടുക്കള ഉപകരണങ്ങളിൽ പാറ്റ ഒളിച്ചിരിക്കാനുള്ള സാധ്യത വളരെ കൂടുതലാണ്. ഭക്ഷണാവശിഷ്ടങ്ങൾ പറ്റിയിരിക്കുന്നതുകൊണ്ടാണ് ഇവ വരുന്നത്.

ഭക്ഷണ സാധനങ്ങൾ സൂക്ഷിക്കുന്നതുകൊണ്ട് തന്നെ പാൻട്രിയിലും അടുക്കള ക്യാബിനറ്റിലും പാറ്റകൾ സ്ഥിരമായ വരാറുണ്ട്. ഇവിടം ഇടയ്ക്കിടെ വൃത്തിയാക്കാൻ ശ്രദ്ധിക്കണം.

കമ്പ്യൂട്ടർ, ലാപ്ടോപ്പ് തുടങ്ങിയ ഉപകരണങ്ങളിലും പാറ്റ ഒളിച്ചിരിക്കാറുണ്ട്. അതിനാൽ തന്നെ ഇത്തരം ഉപകരണങ്ങളുടെ അടുത്തിരുന്ന് ഭക്ഷണം കഴിക്കരുത്.

വൃത്തിയില്ലാത്ത സ്ഥലങ്ങൾ പാറ്റയെ കൂടുതൽ ആകർഷിക്കുന്നു. വീടിനുള്ളിൽ സാധനങ്ങൾ വാരിവലിച്ചിടുന്നത് ഒഴിവാക്കണം. ഇത് പാറ്റകൾ പെറ്റുപെരുകാൻ കൂടുതൽ സൗകര്യമാകുന്നു.

ഇരുട്ടും ഈർപ്പവുമുള്ള സ്ഥലങ്ങളിലാണ് പാറ്റ സ്ഥിരമായി വരുന്നത്. അതിനാൽ തന്നെ വീടിനുള്ളിൽ ഈർപ്പം തങ്ങി നിൽക്കുന്നില്ലെന്ന് ഉറപ്പ് വരുത്തണം.

ഫർണിച്ചറുകൾക്കിടയിലും പാറ്റകൾ ഒളിച്ചിരിക്കാറുണ്ട്. ഇത്തരം സ്ഥലങ്ങളിലാണ് പാറ്റ മുട്ടയിട്ട് പെരുകുന്നത്.

വീടിനുള്ളിൽ പാറ്റയെ ആകർഷിക്കുന്ന കാര്യങ്ങൾ നീക്കം ചെയ്താൽ മാത്രമേ പാറ്റയെ അകറ്റി നിർത്താൻ സാധിക്കുകയുള്ളു. ഇടയ്ക്കിടെ വീട് വൃത്തിയാക്കി സൂക്ഷിക്കാൻ ശ്രദ്ധിക്കണം.