പച്ചമുളക്

അടുക്കളയിൽ ഒഴിച്ചുകൂടാൻ കഴിയാത്ത ഒന്നാണ് പച്ചമുളക്. ഇത് കേടുവരാതെ സൂക്ഷിക്കാൻ ഇത്രയും ചെയ്താൽ മതി.

പച്ചമുളക് വായുകടക്കാത്ത പാത്രത്തിലാക്കി സൂക്ഷിക്കുന്നതാണ് നല്ലത്. കാരണം ഈർപ്പം ഉണ്ടാകുമ്പോൾ മുളക് പെട്ടെന്ന് കേടായിപ്പോകുന്നു.

പച്ചമുളക് ഫ്രിഡ്ജിൽ സൂക്ഷിക്കുന്നതിന് മുമ്പ് പേപ്പർ ടവലിൽ പൊതിയുന്നത് ഈർപ്പം ഇല്ലാതാക്കാൻ സഹായിക്കുന്നു.

സിപ്‌ലോക്ക് ബാഗിലാക്കി സൂക്ഷിക്കുന്നതും പച്ചമുളക് പെട്ടെന്ന് കേടുവരുന്നതിനെ തടയുന്നു. അതേസമയം വായുസഞ്ചാരം ഉണ്ടെന്ന് ഉറപ്പ് വരുത്തണം.

പച്ചമുളക് മുഴുവനായോ മുറിച്ചോ ഫ്രീസറിൽ സൂക്ഷിക്കാവുന്നതാണ്. ഇത് എത്രദിവസം വരെയും കേടുവരാതിരിക്കും.

ചെറിയ അളവിൽ വിനാഗിരി ചേർക്കുന്നത് പച്ചമുളക് പെട്ടെന്ന് കേടുവരുന്നതിനെ തടയുന്നു.

തണുപ്പുള്ള, ഈർപ്പം ഇല്ലാത്ത സ്ഥലങ്ങളിൽ സൂക്ഷിക്കുന്നത് പച്ചമുളക് കേടുവരാതിരിക്കാൻ സഹായിക്കുന്നു. എന്നാൽ കൂടുതൽ ദിവസം ഇങ്ങനെ സൂക്ഷിക്കാൻ കഴിയില്ല.

കഴുകിയതിന് ശേഷം പച്ചമുളക് നന്നായി തുടച്ച് ഉണക്കാൻ ശ്രദ്ധിക്കണം. ഉണങ്ങിയതിന് ശേഷം മാത്രമേ ഫ്രിഡ്ജിൽ സൂക്ഷിക്കാൻ പാടുള്ളൂ.