ചിലന്തിയെ തുരത്താം

വീട്ടിൽ സ്ഥിരമായി വരുന്ന ജീവിയാണ് ചിലന്തി. ഇതിനെ എളുപ്പത്തിൽ തുരത്താൻ ഇത്രയും ചെയ്താൽ മതി.

വീടിനുള്ളിൽ സാധനങ്ങൾ വാരിവലിച്ചിടുന്നത് ഒഴിവാക്കണം. വൃത്തിയും ഉപയോഗവും ഇല്ലാത്ത സ്ഥലങ്ങൾ ചിലന്തിയെ ആകർഷിക്കുന്നു.

ചെറിയ ഇടകളിലൂടെ ചിലന്തി വീടിനുള്ളിൽ കയറാം. ജനാല, വാതിൽ എന്നിവിടങ്ങളിൽ വിള്ളലുകൾ ഉണ്ടെങ്കിൽ അത് ഉടൻ അടയ്ക്കാൻ ശ്രദ്ധിക്കണം.

കർപ്പൂരതുളസി, ലാവണ്ടർ തുടങ്ങിയ സുഗന്ധതൈലങ്ങൾ ഉപയോഗിച്ചും പ്രകൃതിദത്തമായി ചിലന്തിയെ തുരത്താൻ സാധിക്കും. വെള്ളത്തിൽ ചേർത്ത് ചിലന്തി വരാറുള്ള സ്ഥലങ്ങളിൽ സ്പ്രേ ചെയ്യാം.

വിനാഗിരി ഉപയോഗിച്ചും ചിലന്തിയെ അകറ്റി നിർത്താൻ സാധിക്കും. ഇത് വെള്ളത്തിൽ ചേർത്ത് ചിലന്തി വരുന്ന സ്ഥലങ്ങളിൽ സ്പ്രേ ചെയ്താൽ മതി.

പ്രകാശം കൂടിയ വെളിച്ചം ചിലന്തിയെ ആകർഷിക്കുന്നു. അതിനാൽ തന്നെ വീടിന് പുറത്ത് പ്രകാശം കൂടിയ ലൈറ്റ് ഇടുന്നത് ഒഴിവാക്കാം.

ലാവണ്ടർ, യൂക്കാലിപ്റ്റസ്, പുതിന, റോസ്‌മേരി തുടങ്ങിയ ചെടികൾ വീട്ടിൽ വളർത്തുന്നത് ചിലന്തിയെ അകറ്റി നിർത്തുന്നു. ഇവയുടെ ശക്തമായ ഗന്ധം ചിലന്തിക്ക് ഇഷ്ടമില്ലാത്തതാണ്.

വീടിനുള്ളിലും പുറത്തും ചെടികൾ വളർത്തുമ്പോൾ പ്രത്യേകം ശ്രദ്ധിക്കണം. ചെടികൾ കാടുപോലെ വളരുന്നത് തടയാം. ഇത് ചിലന്തികൾക്ക് ഒളിച്ചിരിക്കാൻ സൗകര്യമാകുന്നു.