ഇങ്ങനെ ചെയ്താൽ മതി, മല്ലിയില ദിവസങ്ങളോളം കേടുകൂടാതിരിക്കും

മല്ലിയില കേടുകൂടാതെ ദിവസങ്ങളോളം ഫ്രഷ് ആയി സൂക്ഷിക്കാൻ ഇതാ അ‍ഞ്ച് ടിപ്സ്.

ഒരു പാത്രം വെള്ളത്തില്‍ 1 ടീസ്പൂണ്‍ മഞ്ഞള്‍ ചേർക്കുക. ശേഷം 30 മിനുട്ട് നേരം മല്ലിയില വെള്ളത്തിലിട്ട് വയ്ക്കുക. ശേഷം നന്നായി കഴുകി, പൂര്‍ണമായി ഉണക്കി ബോക്ടസിൽ സൂക്ഷിക്കുക.

മല്ലിയിലയിലെ ചീഞ്ഞ ഇലകൾ നീക്കം ചെയ്ത് കഴുകി ഉണക്കിയ ശേഷം, ടിഷ്യൂ പേപ്പറിൽ പൊതിഞ്ഞ് വായു കടക്കാത്ത എയർടൈറ്റ് കണ്ടെയ്നറിൽ ഫ്രിഡ്ജിൽ സൂക്ഷിക്കുക.

വേരോടെയുള്ള മല്ലിയിലയുടെ അറ്റം അല്പം മുറിച്ച ശേഷം വെള്ളം നിറച്ച ഗ്ലാസിൽ വച്ച്, മുകൾഭാഗം പ്ലാസ്റ്റിക് കവർ കൊണ്ട് മൂടി ഫ്രിഡ്ജിൽ സൂക്ഷിക്കുക. 

കൂടാതെ, ഇലകൾ നന്നായി ഉണക്കി, ടിഷ്യൂ പേപ്പറിൽ പൊതിഞ്ഞ് വായു കടക്കാത്ത പാത്രത്തിൽ സൂക്ഷിക്കുന്നതും ഫലപ്രദമാണ്.

ഒരു ഗ്ലാസിൽ പകുതിയോളം വെള്ളമെടുത്ത് അതിൽ മല്ലിയിലയുടെ തണ്ട് മുങ്ങിയിരിക്കത്തക്കവിധം വയ്ക്കുക. ഓരോ 48 മണിക്കൂറിലും വെള്ളം മാറ്റുന്നത് ഇലകൾ കൂടുതൽ കാലം കേടാകാതിരിക്കാൻ സഹായിക്കും.

മല്ലിയില വിനാഗിരി ചേർത്ത വെള്ളത്തിൽ കഴുകുന്നത് വിഷാംശവും ചെളിയും നീക്കം ചെയ്യാനും ഇലകൾ വേഗം കേടാകാതിരിക്കാനും സഹായിക്കും.

മല്ലിയില വാങ്ങുമ്പോള്‍ ഉറപ്പുള്ള തണ്ടുകളും നല്ല പച്ചനിറമുള്ള ഇലകളും നോക്കി വാങ്ങുക. മഞ്ഞളിച്ചതോ അഴുകിയതോ ആയ പാടുകളുള്ള മല്ലിയിലകള്‍ ഒഴിവാക്കുക.