പാചകം ചെയ്യുന്നത്

ഭക്ഷണ സാധനങ്ങൾ ശരിയായ രീതിയിൽ പാകം ചെയ്തില്ലെങ്കിൽ പോഷക ഗുണങ്ങൾ നഷ്ടപ്പെടാൻ സാധ്യതയുണ്ട്. ഈ അബദ്ധങ്ങൾ ഒഴിവാക്കാം.

ഭക്ഷണ സാധനങ്ങൾ അമിതമായി വേവിക്കുന്നത് ഒഴിവാക്കണം. ഇത് ഭക്ഷണത്തിന്റെ പോഷക ഗുണങ്ങൾ നഷ്ടപ്പെടാൻ കാരണമാകുന്നു.

പാചകം ചെയ്യുന്നതിന് മുമ്പ് പച്ചക്കറികൾ മുറിച്ചുവെയ്ക്കുന്നത് ജോലി എളുപ്പമാക്കുമെങ്കിലും, ഇതിന്റെ ഗുണങ്ങൾ നഷ്ടപ്പെടാൻ സാധ്യത കൂടുതലാണ്.

നല്ല ചൂടിൽ പാകം ചെയ്യുമ്പോൾ ഭക്ഷണ സാധനങ്ങൾ നന്നായി മൊരിഞ്ഞുകിട്ടും. എന്നാൽ അമിതമായ ചൂടിൽ പാകം ചെയ്യുന്നത് ഭക്ഷണത്തിന്റെ ഗുണങ്ങൾ നഷ്ടപ്പെടാൻ കാരണമാകുന്നു.

പച്ചക്കറി പാകമായതിന് ശേഷം ബാക്കിവന്ന വെള്ളം കളയുന്നത് ഒഴിവാക്കാം. കാരണം വേവിക്കുമ്പോൾ പച്ചക്കറിയുടെ ഗുണങ്ങൾ വെള്ളത്തിൽ ലയിച്ച് ചേരുന്നു.

മിക്ക പച്ചക്കറികളുടേയും പോഷക ഗുണങ്ങൾ അതിന്റെ തൊലിയിലാണുള്ളത്. ക്യാരറ്റ്, വെള്ളരി, ആപ്പിൾ, ഉരുളകിഴങ്ങ് എന്നിവയുടെ തൊലി കളയുമ്പോൾ ശ്രദ്ധിക്കാം.

ബാക്കിവന്ന ഭക്ഷണ സാധനങ്ങൾ തുറന്ന് വെയ്ക്കുന്നത് ഒഴിവാക്കണം. ഇത് ഭക്ഷണത്തിന്റെ ഗുണങ്ങൾ നഷ്ടപ്പെടാൻ കാരണമാകുന്നു.

വ്യത്യസ്തമായ മെറ്റീരിയൽ ഉപയോഗിച്ചാണ് പാത്രങ്ങൾ നിർമ്മിച്ചിരിക്കുന്നത്. അതിനനുസരിച്ചാവണം ഭക്ഷണ സാധനങ്ങൾ പാകം ചെയ്യേണ്ടത്.